Salman Khan Remuneration: గాడ్ ఫాదర్ కు సల్మాన్ రెమ్యునరేషన్ తీసుకోలేదా?

October 3, 2022 / 11:58 AM ISTByFilmy Focus

Join Us

Salman Khan Remuneration: గాడ్ ఫాదర్ కు సల్మాన్ రెమ్యునరేషన్ తీసుకోలేదా?

ఈ మధ్య కాలంలో చాలామంది స్టార్ హీరోలు గెస్ట్ రోల్స్ లో నటించే ఛాన్స్ వచ్చినా భారీ మొత్తంలో డిమాండ్ చేస్తూ నిర్మాతలకు చుక్కలు చూపిస్తున్నారు. బాలీవుడ్ స్టార్ హీరో సల్మాన్ ఖాన్ రెమ్యునరేషన్ ఊహించని స్థాయిలో ఉంటుంది. గాడ్ ఫాదర్ సినిమా కోసం సల్మాన్ ఖాన్ భారీ మొత్తంలో రెమ్యునరేషన్ తీసుకున్నారని వార్తలు ప్రచారంలోకి వచ్చాయి. అయితే వాస్తవం మాత్రం భిన్నంగా ఉంది. గాడ్ ఫాదర్ మూవీలో సల్మాన్ ఖాన్ ఫ్రీగా నటించారు.

వినడానికి ఆశ్చర్యంగా అనిపించినా చిరంజీవిపై ఉన్న గౌరవంతో సల్మాన్ ఈ సినిమాలో ఫ్రీగా నటించారని సమాచారం. గాడ్ ఫాదర్ షూటింగ్ పూర్తైన తర్వాత చిరంజీవి చెక్ తీసుకుని సల్మాన్ ఖాన్ మేనేజర్ ను కలిసి చెక్ ఇచ్చారట. ఆ రెమ్యునరేషన్ తక్కువ మొత్తం కావడంతో చిరంజీవి ఒకింత ఇబ్బంది పడుతూనే ఆ చెక్ ఇచ్చారని సమాచారం. అయితే సల్మాన్ ను కలిసిన మేనేజర్ వేగంగా వెనక్కు వచ్చి చిరంజీవితో సల్మాన్ ఖాన్ ఈ చెక్ తీసుకోవడం లేదని చిరంజీవి సినిమా చేస్తున్న సమయంలో నేను డబ్బులు తీసుకోవడమా అలా ఎన్నటికీ జరగదు అని అన్నారని సమాచారం.

సల్మాన్ ఖాన్ అలా చెప్పడంతో చిరంజీవి ఆశ్చర్యానికి గురయ్యారని బోగట్టా. తాజాగా ఒక సందర్భంలో చిరంజీవి సల్మాన్ గురించి వెల్లడిస్తూ ఎమోషనల్ అయ్యి ఈ విషయాలను చెప్పుకొచ్చారు. సల్మాన్ ఖాన్ కు నేను, చరణ్ రుణపడి ఉంటామని చిరంజీవి వెల్లడించగా ఆ విషయాలు సోషల్ మీడియాలో వైరల్ అవుతున్నాయి. సినిమా షూటింగ్ ఎప్పుడంటే అప్పుడు చేద్దామని సల్మాన్ ఖాన్ చెప్పారని ఆయన సహృదయతకు జోహార్లు అని చిరంజీవి వెల్లడించారు.

చిరంజీవి వెల్లడించిన విషయాలు ప్రస్తుతం సోషల్ మీడియాలో తెగ వైరల్ అవుతున్నాయి. దేశంలోని స్టార్ హీరోలలో సల్మాన్ ఖాన్ ఒకరు కాగా సల్మాన్ ఖాన్ ను అభిమానించే అభిమానుల సంఖ్య అంతకంతకూ పెరుగుతోంది. గాడ్ ఫాదర్ లో సల్మాన్ ఖాన్ పాత్ర పరిమితమనే సంగతి తెలిసిందే.