బాలీవుడ్ స్టార్ హీరో, కండలవీరుడు సల్మాన్ ఖాన్ కి ఉన్న క్రేజ్ గురించి తెలిసిందే. అలానే ఈ మధ్యకాలంలో వరుస హిట్స్ అందుకొని స్టార్ హీరోయిన్ గా ఎదిగిపోయింది పూజాహెగ్డే. ఇప్పుడు వీరిద్దరూ కలిసి ఓ సినిమాలో నటిస్తున్నారు. అయితే అంతకుముందే ఇద్దరూ కలిసి స్టేజ్ పై డాన్స్ పెర్ఫార్మన్స్ చేశారు. ఇప్పుడు దానికి సంబంధించిన వీడియో సోషల్ మీడియాలో చక్కర్లు కొడుతోంది. ‘డా-బ్యాంగ్ ది టూర్ రీలోడెడ్’ అనే ఈవెంట్ దుబాయ్‌లో జరుగుతోంది.
ఈ ఈవెంట్ కి సల్మాన్ ఖాన్, పూజా హెగ్డే, దిశా పటానీ, సోనాక్షి సిన్హాతో పాటు చాలా మంది స్టార్లు గెస్ట్ లుగా వచ్చారు. ఈవెంట్‌లో భాగంగా పూజా హెగ్డేతో కలిసి తన ‘కిక్’ సినిమాలో ‘జుమ్మీ కి రాత్’ అనే పాటకు సల్మాన్ డాన్స్ చేశాడు. అయితే స్టెప్పులేయడంలో అతడు కొంత తడబడ్డాడు. ఒరిజినల్‌ సాంగ్‌లో సల్మాన్ హీరోయిన్ జాక్వెలిన్‌ ఫెర్నాండేజ్‌ చొక్కా కొనను పంటితో పట్టుకుంటే ఆమె అతడి ముందు నడుస్తూ ఉంటుంది.
ఈసారి కూడా ఇదే స్టెప్ వేద్దామనుకున్నాడు సల్మాన్. కానీ పూజా షర్ట్ వేసుకోకుండా.. స్కిన్ టైట్ డ్రెస్ వేసుకుంది. దీంతో సల్మాన్ కి పూజా డ్రెస్ ని పంటితో ఎలా పట్టుకోవాలో అర్ధం కాక సతమతమయ్యాడు. పూజను ఆపి మరీ ఆ స్టెప్ వేయడానికి ప్రయత్నించినా.. డ్రెస్ సహకరించకపోవడంతో కుదరలేదు. దీంతో సల్మాన్, పూజా ఇద్దరూ నవ్వేశారు. దీనికి సంబంధించిన వీడియో సోషల్ మీడియాలో చక్కర్లు కొడుతోంది. ఈ వీడియో చూసిన నెటిజన్లు.. సల్మాన్ ని ట్రోల్ చేస్తున్నారు.
‘అక్కడ ఏముందని పంటితో పట్టుకోవాలని చూస్తున్నావ్ సల్మా భాయ్’ అంటూ కామెంట్స్ చేస్తున్నారు. మరికొంతమంది ‘వయసు అయిపోయాక ఇలాంటి వేషాలెందుకు..?’ అంటూ ట్రోల్ చేస్తున్నారు. ప్రస్తుతం సల్మాన్.. కత్రినాతో కలిసి ‘టైగర్‌ 3’, పూజా హెగ్డేతో ‘భాయ్‌జాన్‌’, ‘కిక్ 2’ సినిమాలు చేస్తున్నాడు. అలాగే త్వరలో ‘భజరంగీ భాయ్‌జాన్‌’ సీక్వెల్‌ పనులు కూడా మొదలుపెట్టనున్నారు.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home