శ్రీవిష్ణు ఇప్పుడు మినిమమ్ గ్యారెంటీ హీరో. కంటెంట్ సెలక్షన్ తో అందరినీ ఆశ్చర్యపరుస్తున్నాడు. కన్సిస్టెంట్ గా హిట్లు పడుతున్నాయి. ఇండస్ట్రీలో కూడా అతనికి మంచి పేరు ఉంది. పక్క సినిమాల ప్రమోషన్స్ కి కూడా తన వంతు సాయం చేస్తున్నాడు. అయితే సరిగ్గా 3 ఏళ్ళ క్రితం వరకు చూసుకుంటే.. శ్రీవిష్ణు పరిస్థితి అంతంతమాత్రంగానే ఉండేది. ‘రాజరాజ చోర’ వంటి డీసెంట్ హిట్ తర్వాత ‘అర్జున ఫల్గుణ’ ‘భళా తందనాన’ ‘అల్లూరి’ వంటి సినిమాలు చేశాడు శ్రీవిష్ణు.
అవి ఎప్పుడు వచ్చాయో… ఎప్పుడు వెళ్ళిపోయాయో కూడా చాలా మందికి తెలీదు అంటే అతిశయోక్తి అనిపించుకోదు. ఇలాంటి పరిస్థితుల్లో అతను ‘సామజవరగమన'(Samajavaragamana) అనే సినిమా చేశాడు. ‘వివాహభోజనంబు’ వంటి ఒకే ఒక్క సినిమా అనుభవం కలిగిన రామ్ అబ్బరాజు దీనికి దర్శకుడు. 2023 జూన్ 29న విడుదలైన ఈ సినిమాపై మొదట పెద్దగా అంచనాలు లేవు. కానీ కంటెంట్ పై ఉన్న కాన్ఫిడెన్స్ తో వేసిన ప్రీమియర్ షోలకి సూపర్ హిట్ రెస్పాన్స్ వచ్చింది. అందువల్ల భారీ ఓపెనింగ్స్ సొంతం చేసుకుంది.
నేటితో ఈ సినిమా విడుదలై 3 ఏళ్ళు పూర్తికావస్తోంది.ఈ సందర్భంగా ఒకసారి బాక్సాఫీస్ కలెక్షన్స్ ను ఓ లుక్కేద్దాం రండి :
| నైజాం | 4.68 cr |
| సీడెడ్ | 1.10 cr |
| ఉత్తరాంధ్ర | 2.30 cr |
| ఈస్ట్ | 0.90 cr |
| వెస్ట్ | 0.58 cr |
| గుంటూరు | 0.81 cr |
| కృష్ణా | 0.84 cr |
| నెల్లూరు | 0.45 cr |
| ఏపీ + తెలంగాణ (టోటల్) | 11.66 cr |
| రెస్ట్ ఆఫ్ ఇండియా | 2.20 cr |
| ఓవర్సీస్ | 2.50 cr |
| వరల్డ్ వైడ్ (టోటల్) | 16.36 cr (షేర్) |
‘సామజవరగమన’ చిత్రం రూ.4.2 కోట్ల బ్రేక్ ఈవెన్ టార్గెట్ తో బరిలోకి దిగింది. ఫుల్ రన్ ముగిసేసరికి ఈ సినిమా రూ.16.36 కోట్ల షేర్ ను రాబట్టింది. బయ్యర్లకి రూ.12.16 కోట్ల లాభాలు మిగిల్చి ట్రిపుల్ బ్లాక్ బస్టర్ గా నిలిచింది.
