Samantha: ఆ కల గుణశేఖర్‌ వల్ల నెరవేరిందంటున్న సమంత!

టాలీవుడ్‌లో హీరోయిన్‌గా ఎక్కువ కాలం కొనసాగడం అంత సులభం కాదంటారు. వారానికో కొత్త హీరోయిన్‌ వచ్చేస్తున్న సమయంలో ఎప్పటికప్పుడు కొత్త కొత్త పాత్రలు, అందాలు చూపిస్తూ ముందుకెళ్లాలి. ఇలా గత కొన్నేళ్లుగా తనదైన ముద్రవేసుకుంటూ అలరిస్తున్న కథానాయిక సమంత. తొలి సినిమాతోనే నటనకు ప్రాధాన్యమున్న పాత్ర చేసిన సామ్‌… ఆ తర్వాత గ్లామర్‌ పాత్రలు కూడా చేసింది. అయితే పెళ్లి అయ్యాక సెకండ్‌ ఇన్నింగ్స్‌లో డిఫరెంట్‌ క్యారెక్టర్స్‌ చేస్తూ వస్తోంది.

దీని వెనుక కథేంటి సామ్‌ అని అడిగితే… ఆసక్తికర విషయాలు చెప్పుకొచ్చింది. అందరిలాగే సమంత కూడా డిస్నీ సినిమాలు, అబ్బురపరిచే కథల్ని చూస్తూ పెరిగిందట. ఆ సినిమాలు, వీడియోల్లో రాజకుమారుడు, రాజకుమారి పాత్రలు ఆమెను ఎంతగానో ఆకర్షించాయట. ఇప్పటికీ ఏ డిస్నీ సినిమా విడుదలైనా వెంటనే చూసేస్తుందట. యానిమేషన్ అంటే అంత ఇష్టం ఆమెకు. ఎందుకంటే మనుషుల కంటే బాగా అవే భావోద్వేగాల్ని పలికించగలవు అని భావిస్తుందట సమంత. ఇదంతా ఓకే మరి ‘మీ మెంటార్‌ ఎవరు?’ అని అడిగితే…

ఇంకెవరు ‘నేను చిన్నప్పటి నుండి చూస్తూ, ఆరాదిస్తూ వస్తున్న యానిమేటడ్‌ పాత్రలే’ అని చెబుతోంది సమంత. అసలు వాటి కారణంగానే ఇతిహాసాల ఆధారిత చిత్రంలో నటించాలనే కోరిక మొదలైందట. ఎప్పటికైనా రాజకుమారిగా కనిపించాలని అనుకునేదట సమంత. ‘శాకుంతలం’ రూపంలో దర్శకుడు గుణశేఖర్‌ వల్ల ఆ కల నిజమైంది అని చెబుతూ ఆనందించింది సామ్‌. ఆ సినిమాలో సమంత ‘శకుంతల’గా నటిస్తున్న విషయం తెలిసిందే.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!