పోస్ట్‌ మ్యారేజ్‌ తన ప్రొఫెషన్‌ గురించి చెప్పిన సామ్

December 15, 2020 / 02:56 PM ISTByFilmy Focus

Join Us

పోస్ట్‌ మ్యారేజ్‌ తన ప్రొఫెషన్‌ గురించి చెప్పిన సామ్

పెళ్లి అయ్యాక సినిమాల్లో అవకాశాలు పెద్దగా రావు అంటుంటారు. ఒకవేళ అవకాశాలు వచ్చినా, ప్రేక్షకుల ఆదరణ దక్కడం కష్టమే అని కూడా అంటుంటారు. ఒకవేళ వచ్చినా అది బాలీవుడ్‌కి మాత్రమే సాధ్యం అని కూడా అంటుంటారు. కానీ ఇవన్నీ నిజం కాదు.. అని నిరూపించింది సమంత. నాగచైతన్యతో పెళ్లి తర్వాత వరుసగా సినిమాలు చేస్తూ వచ్చింది. అందులో ఏ సినిమాకు, ఆ సినిమా భిన్నంగా ఎంచుకుంది. అసలు ఆమెకు ఇదంతా ఎలా సాధ్యమైంది. అసలు పెళ్లికి ముందు, పెళ్లి తర్వాత ‘ప్రొఫెషన్‌’ గురించి ఏమనుకుంది అనే విషయాలు ఇటీవల ఓ షోలో చెప్పింది సమంత.

ప్రతిభకు అదృష్టం యాడ్‌ అయితేనే ఇండస్ట్రీలో ఎక్కువ కాలం నిలవగలం అనేది సమంత ఎప్పుడూ చెప్పే మాట. తన కెరీర్‌ కూడా అలానే సాగింది అని చెబుతుంటుంది. ‘‘పరిశ్రమలో అడుగుపెట్టి తక్కువ సమయంలో స్టార్‌ నాయికగా ఎదిగినన్నా, మంచి కథలు, మెప్పించిన పాత్రలు దక్కాయన్నా, అది నా గొప్పతనం కాదు.. అదంతా నా అదృష్టమే’’ అని చెప్పింది సమంత. ‘పెళ్లి తర్వాత సినిమాల్లో అందరినీ మెప్పిస్తున్నాను అంటే… దానికీ అదృష్టమే కారణం’’ అని చెప్పింది సమంత.

‘‘హీరోయిన్ల కెరీర్‌కి పెళ్లి అడ్డంకి కాదని ప్రూవ్‌ చేయాలనో లేదంటే అలాంటి అపోహను తొలగించాలనో నేనెప్పుడూ ఏదీ చేయలేదు. నేనెప్పుడూ నా కెరీర్‌ను ప్లాన్‌ చేసుకోలేదు’’ అని చెప్పింది. ‘‘పెళ్లి తర్వాత నాకు సినిమా అవకాశాలు రావనే అనుకున్నా. అన్నింటికీ సిద్ధపడే పెళ్లి చేసుకున్నా. కానీ, అదృష్టం నా సైడే ఉంది. అందుకే పెళ్లి తర్వాత ‘రంగస్థలం’, ‘మహానటి’, ‘ఓ బేబీ’ లాంటి సినిమాలు చేయగలిగాను’’ అని చెప్పింది సమంత.