షూటింగులకు సరికొత్త ముహూర్తం ఫిక్స్ చేసిన సమంత

కరోనా హల్ చల్ పెరుగుతూనే ఉన్నా.. జనాల్లో ఇప్పుడిప్పుడే భయం కాస్త తగ్గుతూ వస్తోంది. దాంతో అన్నీ బిజినెస్ లు మళ్ళీ ఊపందుకున్నాయి. సినిమా ఇండస్ట్రీ కోసం మరీ ఇదివరకటంత వేగంగా కాకపోయినా మెల్లమెల్లగా మళ్ళీ ప్రాణం పోసుకొంటోంది. బడా స్టార్లు మినహా అందరూ షూటింగులు మొదలెట్టేసారు. అయితే.. అక్కినేని కోడలు సమంత మాత్రం అక్టోబర్ వరకు షూటింగులకు వచ్చేది లేదని నిక్కచ్చిగా చెప్పేసిందట. దాంతో ఆమె హీరోయిన్ గా ఎనౌన్స్ చేసిన తమిళ చిత్రం మరియు తెలుగు, తమిళ, హిందీ భాషల్లో ప్లాన్ చేసిన పాన్ ఇండియన్ సినిమాలు ఆగిపోయాయి.

విజయ్ సేతుపతి, నయనతార, సమంత జంటగా తమిళంలో ఓ క్రేజీ ప్రాజెక్ట్ ను ఎనౌన్స్ చేశారు. నయనతార పెళ్లి చేసుకోబోయే విగ్నేష్ శివన్ ఈ చిత్రానికి దర్శకుడు. అలాగే తాప్సితో “గేమ్” చిత్రాన్ని తెరకెక్కించిన అశ్విన్ శరవణన్ దర్శకత్వంలో ఓ హీరోయిన్ ఓరియెంటెడ్ సినిమా సైన్ చేసింది సమంత. ఈ రెండు సినిమాలు ప్రస్తుతం సమంత డేట్స్ ఇవ్వని కారణంగా హోల్డ్ లో ఉన్నాయి.

లాక్ డౌన్ సమయాన్ని కూడా టెర్రస్ ఫార్మింగ్ తో అద్భుతంగా వినియోగించుకున్న సమంత షూటింగులకు నో చెప్పడంతో మేకర్స్ కాస్త కంగారుపడుతున్నారు. ఇకపోతే.. సమంత ప్రస్తుతం అన్నయ్య రానా పెళ్లి పనుల్లో బిజీగా ఉంది. ఈ హడావుడి పూర్తయ్యాక తన ఫిలిం కెరీర్ మీద కూడా కాన్సన్ ట్రేట్ చేస్తుందేమో చూడాలి.

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!