అదృష్టం కొద్ది బయటపడ్డానని చెప్పిన సమంత

మహానటి సావిత్రి అతి తక్కువ సమయంలోనే ఎంతో మంది హృదయాలను గెలుచుకున్నారు. అలాగే తక్కువ వయసులోనే కన్నుమూశారు. ఆమె కథ కొంతకాలం క్రితం కొంతమందికే తెలుసు.. మహానటి సినిమాతో ఇప్పుడు అందరికీ తెలిసింది. అభినేత్రి జీవితం నాటి తరం వారినే కాదు.. నేటి తరం వారిని సైతం కంటతడి పెట్టించింది. అయితే ఈ సినిమాలో మధురవాణి పాత్ర పోషించిన సమంతకి మాత్రం సావిత్రి జీవితం తన జీవితానికి చాలా దగ్గరగా పోలికలు ఉన్నాయని భావించింది. ఈ విషయాన్నీ స్వయంగా ఆమె ఓ ఇంటర్వ్యూ లో వెల్లడించింది. ” సావిత్రి జీవిత కథ తెలుసుకుంటుంటే, అది నా కథలానే అనిపించింది.

ప్రేమ విషయంలో ఆమెలానే నేను ఒకరిని నమ్మాను. అయితే, అదృష్టం కొద్దీ తప్పించుకున్నాను. లేకుంటే నా కథ కూడా సావిత్రిలానే అయ్యుండేది” అని తెలిపింది. “మా తల్లిదండ్రుల దీవెన, నేను చేసుకున్న పుణ్యం, నా అదృష్టం కారణంగానే చైతూ దొరికాడు” అని ఆనందం వ్యక్తం చేసింది. ఇక కెరీర్ గురించి మాట్లాడుతూ.. “సినిమాల్లో అవసరమైతే రొమాన్స్ సీన్లకు సిద్ధమే. హీరో ఎవరైనా, తెరపై రొమాన్స్ చేస్తాను. అదికూడా నటనలో భాగమే. అక్కినేని, దగ్గుబాటి కుటుంబాలు తన నటనను సీరియస్ గా తీసుకుంటారని భావించడం లేదు” అని స్పష్టం చేసింది. అయితే హుందాగా ఉండే, మంచి క్యారెక్టెర్స్ ఎంచుకుంటానని చెప్పింది.