టాలీవుడ్ తో పాటు కోలీవుడ్ లో కూడా సమంత కి మంచి క్రేజ్ ఉందని ప్రత్యేకంగా చెప్పనక్కర్లేదు. పెళ్ళైన తరువాత చాలా వరకూ గ్లామర్ పాత్రల్ని పక్కనపెట్టి కేవలం కథాబలం ఉన్న చిత్రాలకే ఓకే చెప్తుంది. ఇదిలా ఉండగా.. త్వరలో సమంత రాజకీయాల్లోకి రాబోతుందట. సమంత రాజకీయాల్లోకి రావడమేంటని.. కంగారు పడకండి..! అది నిజ జీవితంలో కాదు సినిమాల్లో మాత్రమే. తాజాగా కోలివుడ్ లో పొలిటికల్ ఫాంటసీ గా ‘తుగ్లక్ దర్బార్’ అనే చిత్రం తెరకెక్కనుంది.
ఇందులో సీరియస్ పాలిటిక్స్ గా కాకుండా.. పొలిటికల్ ఫాంటసీగా.. ఈ చిత్రాన్ని రూపొందించనున్నారు. నూతన దర్శకుడు ప్రసాద్ దీనదయాళ్ ఈ చిత్రాన్ని తెరకెక్కించబోతున్నాడు. ఈ చిత్రాన్ని సెవన్ స్క్రీన్ స్టూడియో లలిత్ కుమార్ నిర్మించనున్నాడు. విజయ్ సేతుపతి హీరోగా నటించన్న ఈ చిత్రం పై భారీ అంచనాలు నెలకొన్నాయి. ఇప్పుడిప్పుడే విజయ్ కి తెలుగులో క్రేజ్ పెరుగుతోందని చెప్పాలి. అందులోనూ సమంత కూడా నటిస్తుండడంతో ఈ చిత్రాన్ని తెలుగులో కూడా విడుదల చేయొచ్చని ప్లాన్ చేస్తున్నారట. ఇప్పటికే ‘సూపర్ డీలక్స్’ అనే చిత్రంలో హీరో.. హీరోయిన్లుగా నటిస్తున్నారు విజయ్ సేతుపతి, సమంత! ఇప్పుడు మరోసారి ఈ జంట కలిసి నటించబోతున్నట్టు తెలుస్తుంది. ఈ వార్త నిజమే అయితే.. పొలిటికల్ లీడర్ రోల్ లో సమంతని చూడొచ్చు..!
