ఈ బ్యూటీస్ కి హీరోలు దొరకడం లేదా..?

సీనియర్ హీరోలకు హీరోయిన్లను వెతకడం ఎంత కష్టమవుతుందో.. అలానే అనుష్క, సమంత లాంటి తారలకు హీరోలను వెతకడం అంతే కష్టమవుతుందట. అనుష్క చాలా కాలంగా లేడీ ఓరియెంటెడ్ సినిమాలు చేస్తూ వస్తోంది. అలానే సమంత పెళ్లి తరువాత నుండి ఫీమేల్ ఓరియెంటెడ్ సినిమాలే చేస్తోంది. ఇలాంటి హీరోయిన్ ఓరియెంటెడ్ సినిమాల్లో నటించడానికి తెలుగు హీరోలెవరూ ఒప్పుకోవడం లేదని తెలుస్తోంది. అందుకే అనుష్క, సమంత ల కోసం తమిళ, మలయాళ భాషల నుండి హీరోలను తీసుకొస్తున్నారు.

అనుష్క నటించిన ‘భాగమతి’ సినిమాలో ముందుగా తెలుగు హీరో కోసం ప్రయత్నించారు. కానీ ఎవరూ దొరకక మలయాళం నుండి ఉన్ని ముకుందన్ ను తీసుకొచ్చారు. ఇప్పుడు సమంత ప్రధాన పాత్రలో దర్శకుడు గుణశేఖర్ ‘శాకుంతలం’ అనే సినిమా రూపొందిస్తున్నాడు. ఇందులో దుశ్యంత మహారాజు పాత్ర కోసం ముందుగా రానాను సంప్రదించారు. కానీ అతడు అంగీకరించలేదు.

మిగిలిన ఏ హీరో కూడా ముందుకు రాకపోవడంతో మలయాళ ఇండస్ట్రీకి చెందిన దేవ్ మీనన్ అనే యువ హీరోని ఒప్పించారు గుణశేఖర్. సమంత నటించిన ‘ఓ బేబీ’ సినిమాలో నాగ శౌర్య హీరోగా నటించాడు. కానీ ఇప్పుడు అతడు హీరోగా బిజీ అయిపోయాడు. మొత్తానికి సీనియర్ హీరోల మాదిరి ఈ హీరోయిన్లు కూడా సమస్య ఎదుర్కొంటున్నారన్నమాట!

Most Recommended Video

మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!