టాలీవుడ్ క్యూట్ బ్యూటీ సమంత ప్రస్తుతం సుకుమార్ దర్శకత్వంలో తెరకెక్కుతున్న రామ్ చరణ్ తేజ్ రేపల్లె మూవీలో నటిస్తోంది. ఇందులో ఆమెది మూగ పాత్ర అని కొన్ని రోజులుగా గాసిప్ నడిచింది. అది వాస్తవం కాదంటూ చిత్ర నిర్మాణ మైత్రీ మూవీ మేకర్స్ స్పష్టం చేసింది. అయితే సమంత విషయంలో వచ్చిన ఈ గాసిప్ తమన్నా విషయంలో నిజమైంది. మిల్కీ బ్యూటీ చెవిటి, మూగ అమ్మాయిగా నటించబోతోంది. ఈ విషయాన్నీ ఆమె వెల్లడించింది. బాహుబలి కంక్లూజన్ ప్రచారంలో భాగంగా మీడియాతో మాట్లాడిన తమన్నా.. త్వరలోనే బాలీవుడ్ లో చేయబోయే ఓ సినిమాలో చెవిటి, మూగ అమ్మాయిగా నటించబోతున్నానని ప్రకటించింది.
నిర్మాత వాసు భగ్నానీ బ్యానర్ పై ఈ సినిమా ఉంటుందని తెలిపింది. “బాహుబలి ప్రాజెక్టు నుంచి నన్ను కొత్తగా చూసేందుకు ప్రేక్షకులు ఇష్టపడుతున్నారు. అందుకే ఇకనుంచి నటనకు ఎక్కువ ప్రాధాన్యమున్న పాత్రలు ఎంచుకుంటాను” అని చెప్పింది. ఆమె పోరాటాలు చేసే అవంతికగా నటించిన బాహుబలి కంక్లూజన్ ఈనెల 28 న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
