స్టార్ హీరోయిన్ సమంత నిన్న పుట్టినరోజు వేడుకలను జరుపుకున్న సంగతి తెలిసిందే. పలువురు సినీ ప్రముఖులు సోషల్ మీడియా వేదికగా సమంతకు పుట్టినరోజు శుభాకాంక్షలు తెలియజేశారు. సమంత హీరోయిన్ గా నటిస్తున్న పలు సినిమాలకు సంబంధించిన అప్ డేట్స్ సైతం నిన్న వచ్చాయనే సంగతి తెలిసిందే. సమంతకు ది ఫ్యామిలీ మేన్2 వెబ్ సిరీస్ తో ఊహించని స్థాయిలో క్రేజ్ పెరిగింది. పుష్ప ది రైజ్ లో సమంత చేసిన స్పెషల్ సాంగ్ సూపర్ హిట్ కావడంతో ఆమె గురించి మరింత జోరుగా చర్చ జరిగింది.
ప్రస్తుతం సమంత కెరీర్ విషయంలో స్పీడ్ పెంచారు. సమంత నటించిన శాకుంతలం, యశోద సినిమాలు కొన్ని నెలల గ్యాప్ లోనే థియేటర్లలో విడుదల కానుండటం గమనార్హం. 35వ వసంతంలోకి అడుగుపెట్టిన సమంత అభిమానులను దృష్టిలో ఉంచుకుని ఆసక్తికర వ్యాఖ్యలు చేశారు. సోషల్ మీడియా వేదికగా తనకు విషెస్ చెప్పిన వాళ్లకు థ్యాంక్స్ చెప్పిన సమంత పుట్టినరోజున తనపై ప్రేమను చూపిన అభిమానులకు ధన్యవాదాలు అని అన్నారు. ఫ్యాన్స్ ప్రేరణ, ప్రోత్సాహం, సానుకూలతలకు తాను ఎప్పటికీ కృతజ్ఞురాలిగా ఉంటానని ఆమె చెప్పుకొచ్చారు.
అభిమానులను తాను మనస్పూర్తిగా ప్రేమిస్తున్నానని ఆమె చెప్పుకొచ్చారు. 2022 సంవత్సరాన్ని మరింత ధైర్యంగా ఎదుర్కోవడానికి చాలా ఉత్సాహాన్ని నింపారని ఆమె తెలిపారు. సమంత నటించిన సినిమాలు బాక్సాఫీస్ వద్ద ఎలాంటి ఫలితాలను అందుకుంటాయో చూడాల్సి ఉంది. సమంత ఒక్కో సినిమాకు 3 కోట్ల రూపాయల నుంచి 5 కోట్ల రూపాయల వరకు రెమ్యునరేషన్ తీసుకుంటున్నారు. స్పెషల్ సాంగ్స్ కు కూడా సమంత భారీగానే ఛార్జ్ చేస్తున్నారని తెలుస్తోంది.
సమంతకు స్టార్ హీరోల సినిమాలలో మాత్రం ఎక్కువగా ఆఫర్లు దక్కడం లేదు. టాలీవుడ్ స్టార్ హీరోలు సమంతకు ఛాన్స్ ఇస్తారో లేదో చూడాల్సి ఉంది. సమంత కొత్త ప్రాజెక్ట్ లకు సంబంధించిన వివరాలు తెలియాల్సి ఉంది.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
