Samantha: సమంత గొప్ప మనస్సుకు నిదర్శనం ఇదే?

స్టార్ హీరోయిన్ సమంత గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. విడాకుల ప్రకటన తర్వాత సమంత ఎక్కువగా వార్తల్లో నిలుస్తున్నారు. అయితే కష్టాల్లో ఉన్నవాళ్లను ఆదుకునే విషయంలో సమంత ముందువరసలో ఉంటారు. ప్రత్యూష ఫౌండేషన్ ద్వారా సమంత సేవా కారక్రమాల కోసం లక్షల రూపాయలు ఖర్చు చేస్తున్నారు. అయితే తను చేసిన సహాయాల గురించి బయటకు చెప్పుకోవడానికి సమంత పెద్దగా ఇష్టపడరు. తెలుగమ్మాయిలో ఒకరైన తేజస్వి మదివాడ కెరీర్ తొలినాళ్లలో ఎన్నో ఇబ్బందులను ఎదుర్కొని నటిగా గుర్తింపును సొంతం చేసుకున్నారు.

అయితే నటిగా ఎక్కువ మొత్తంలో పారితోషికం అందుకున్నా తేజస్వి ఆర్థికంగా స్థిరపడలేదు. కొన్ని సంవత్సరాల క్రితం తేజస్వికి టీబీ రాగా ఆపరేషన్ చేయించుకోవాలని వైద్యులు సూచించారు. ఆపరేషన్ కు లక్షల్లో ఖర్చు అవుతుందని డాక్టర్లు చెప్పగా ఆ సమయంలో సమంత సాయం చేశారని తేజస్వి తాజాగా చెప్పుకొచ్చారు. సమంత మంచితనాన్ని నెటిజన్లు సైతం ప్రశంసిస్తున్నారు. మధ్యతరగతి కుటుంబం నుంచి సినిమాల్లోకి ఎంట్రీ ఇచ్చి స్టార్ స్టేటస్ ను అందుకున్న సమంత ఇండస్ట్రీలో సినిమాసినిమాకు తన స్థాయిని పెంచుకుంటున్నారు.

ప్రయోగాత్మక పాత్రల్లో నటిస్తూ లేడీ ఓరియెంటెడ్ సినిమాలతో సైతం సమంత విజయాలను సొంతం చేసుకుంటున్నారు. సమంత నటించిన శాకుంతలం మూవీ పోస్ట్ ప్రొడక్షన్ పనులు జరుగుతుండగా సమంత కొత్త సినిమాల షూటింగ్ త్వరలో మొదలుకానుంది. నాగచైతన్యతో విడిపోయినా సమంతకు ప్రేక్షకుల్లో ఏ మాత్రం క్రేజ్ తగ్గలేదు. అయితే భవిష్యత్తులో చైతన్య సమంత కలిసి నటించే ఛాన్స్ లేదని తెలుస్తోంది.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!