బాలీవుడ్ సినిమా ఓకే అయ్యేలా ఉంది.. బాలీవుడ్ ఎంట్రీ పక్కా.. బాలీవుడ్ ఎంట్రీ ఇదిగో.. బాలీవుడ్‌లో తొలి సినిమా ఇదే.. అంటూ సమంత నెక్స్ట్‌ సినిమా గురించి చాలా రోజులుగా వార్తలు వినిపిస్తూనే ఉన్నాయి. అయితే ఏమైందో ఏమో కానీ ఇంకా బాలీవుడ్ సినిమా ఇంకా ఓకే అవ్వలేదు. అయితేనేం తొలి మలయాళ సినిమా ఓకే అయ్యింది అని సమాచారం. అన్నీ అనుకున్నట్లుగా జరిగితే త్వరలో సినిమా అనౌన్స్‌మెంట్‌ వస్తుందని అంటున్నారు.
సమంత చేతిలో వరుస సినిమాలు అయితే ఉన్నాయి కానీ.. కొత్త సినిమా అనౌన్స్‌మెంట్‌ మాత్రం ఇటీవల కాలంలో రాలేదు. వస్తే గిస్తే బాలీవుడ్ సినిమా అనౌన్స్‌మెంటే ఉంటుంది అని గత కొద్ది రోజులుగా వార్తలు వస్తూ ఉన్నాయి. అయితే బాలీవుడ్ సినిమా సంగతేమో కానీ, మలయాళ సినిమా అయితే వచ్చిందని సమాచారం. దుల్కర్‌ సల్మాన్‌ కథానాయకుడిగా తెరకెక్కుతున్న ‘కింగ్‌ ఆఫ్‌ కోత’ అనే సినిమాలో సమంతను కథానాయికగా తీసుకున్నారని సమాచారం.
అభిలాష్‌ జోషి తెరకెక్కిస్తున్న ‘కింగ్‌ ఆఫ్‌ కోత’ సినిమా విభిన్నమైన గ్యాంగ్‌స్టర్‌ డ్రామా కథాశంతో రూపొందుతోంది. ఈ సినిమాలో హీరోయిన్‌ పాత్ర కోసం ఇటీవల దర్శకుడు సమంతను సంప్రదించారట. సినిమా కథ ఆసక్తికరంగా ఉండటం, పాత్ర కూడా నచ్చడంతో సామ్‌ ఓకే చెప్పింది అని అంటున్నారు. గతంలో సమంత, దుల్కర్‌ సల్మాన్‌ ‘మహానటి’ సినిమాలో నటించారు. అయితే ఆ సినిమాలో ఇద్దరికీ కాంబినేషన్‌ సీన్స్‌ లేవు.
మరోవైపు సమంత నుండి రెండు సినిమాలు సెట్స్‌ మీద ఉన్నాయి. ఒకటి పోస్ట్‌ ప్రొడక్షన్‌లో ఉంది. గుణశేఖర్‌ రూపొందిస్తున్న ‘శాకుంతలం’ నిర్మాణానంతర కార్యక్రమాలు జరుపుకుంటోంది. విజువల్‌ ఎఫెక్ట్స్‌ పనులు జరుగుతున్నాయని, త్వరలో సినిమా అప్‌డేట్స్‌ వస్తాయని ఇటీవల టీమ్‌ చెప్పింది. ఇది కాకుండా ‘యశోద’, విజయ్‌ దేవరకొండ ‘ఖుషి’ సెట్స్‌ మీద ఉన్నాయి. బాలీవుడ్‌లో అయితే ప్రయత్నాలు ఇంకా కొనసాగుతున్నాయి. మరి ఎప్పుడు సమంత హిందీ సినిమా చూస్తామో తెలియాల్సి ఉంది.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
