‘హిట్ 2’ వచ్చేసింది.. ‘హిట్ 3’లో హీరో ఎవరు అనేది కూడా చెప్పేశారు. ఆ సినిమా కథ ఎక్కడ సాగుతుంది అనే వివరాలు కూడా దాదాపుగా వచ్చేశాయి. త్వరలో దీనికి సంబంధించి మరిన్ని వివరాలు వస్తాయి. అయితే ఇప్పుడు మరో సినిమా గురించి చర్చ నడుస్తోంది. అదే ‘హిట్ ఫిమేల్‌’ వెర్షన్‌ గురించి. అంటే ఇప్పటివరకు వచ్చిన ‘హిట్’లు రెండు హీరో బేస్డ్‌.. అయితే రాబోయే హిట్ సినిమాల్లో పోలీసు.. ఫిమేల్‌ అయితే ఎలా ఉంటుంది అనే చర్చ నడుస్తోంది.
‘హిట్ 2’ సినిమా చూశాక ఓ తెలుగు రివ్యూయర్‌ ట్విటర్‌లో ఓ పోస్ట్‌ చేశారు. భవిష్యత్తు ‘హిట్’ సినిమాల్లో ఒకటో రెండో సినిమాలు హీరోయిన్‌ ఓరియెంటెడ్‌ కూడా చేస్తే బాగుంటుంది అని ఆ ట్వీట్‌లో రాసుకొచ్చారు. దానికి ‘హిట్ 2’ హీరో అడివి శేష్‌ స్పందించారు. ‘‘సమంత ఈ ఆలోచన అదిరిపోయింది.. నీవేమంటావ్‌’’ అంటూ సమంతను మెన్షన్‌ చేశారు. దీంతో అడివి శేష్‌ కూడా ఈ ఆలోచనను సమర్థించినట్లయింది. దీంతో సమంత దీనికి ఏం సమాధానం చెబుతుందా అని చర్చ మొదలైంది.
ఇంతలో సమంత ఆ ప్రశ్నకు సమాధానం చెప్పింది. అయితే ఆ సమాధానం చూసి సామ్‌ ఫ్యాన్స్ నిరాశకు గురయ్యారనే చెప్పాలి. ఎందుకంటే సినిమాకు ఓకే అని చెప్పిందా? లేదా? అనే క్లారిటీ మిస్‌ అయ్యింది ఆమె ట్వీట్‌లో. ‘‘హిట్’ సిరీస్‌ లాంటి పోలీసు పాత్రనా.. వినడానికి చాలా ఫన్‌గా ఉంది’’ అని ట్వీట్‌ చేసింది. అదే విధంగా మీ సినిమా హిట్ అయినందుకు అభినందనలు’’ అని ట్వీట్‌ చేసింది. దీంతో ఆమె ఓకే అని చెప్పిందా? లేదా? అనేది తెలియడం లేదు.
సమంత ఇప్పటికే ‘ది ఫ్యామిలీ మ్యాన్‌ 2’, ‘యశోద’ సినిమాల్లో యాక్షన్స్‌ సీన్స్‌ చేసింది. దీంతో ‘హిట్’ సినిమా సిరీస్‌లో సమంత యాక్షన్‌ సీన్స్‌ చేస్తే.. అదిరిపోతుంది అని చెప్పాలి. ‘హిట్’ సిరీస్‌లో మొత్తంగా ఏడు సినిమాలు ఉంటాయి అని ఇప్పటికే టీమ్‌ చెప్పింది. అందులో మొత్తంగా ఆరుగురు హీరోలు ఉంటారని కూడా చెప్పారు. అందులో ఓ హీరో/హీరోయిన్‌ సమంత అయితే సూపర్‌. మరి దర్శకుడు శైలేష్ కొలను ఏమంటారో చూడాలి.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
