అభిమాని ఎడిటింగ్ కి సమంత చురుక్కులు

ఐశ్వర్యరాయ్ ఒడిలో కనీసం ముక్కు మొహం తెలియని యువకుడు చాలా సరదాగా కూర్చున్న ఫోటో ఒకటి అప్పట్లో వైరల్ అయ్యింది. ఆ తర్వాత ప్రియాంక చోప్రాను ఎవరో కుర్రాడు ముద్దాడుతున్నట్లుగా ఉన్న ఫోటో కూడా ఇంటర్నెట్ లో హల్ చేసింది. అప్పటికి ఫోటోషాప్ అంటే ఎవరికీ తెలియదు కాబట్టి ఆ ఫోటోలు నిజమే అనుకొను అందరూ భ్రమపడ్డారు. కానీ.. ఎప్పుడైనా ఫోటోషాప్ గురించి అందరికీ తెలుసు.. చాలా మంది అందులో శిక్షణ తీసుకొన్నప్పట్నుంచి ఆ తరహా ఫోటోలను జనాలు పట్టించుకోవడం కూడా మానేశారు. ఆ తర్వాత నుంచి ఆ తరహా ఫ్యాన్ ఎడిట్స్ ను ఫన్నీగా తీసుకోవడం మొదలెట్టారు. తాజాగా సమంత ఆ సరదాగా షేర్ చేసిన ఫోటో ఒకటి ప్రస్తుతం సోషల్ మీడియాలో ట్రెండింగ్ టాపిక్ అయ్యింది.

ఎవరో ఒక కుర్రాడు సమంతను పెళ్లి చేసుకొన్నట్లుగా ఎడిట్ చేసిన ఆ ఫోటోను ఎవరో అభిమాని ట్విట్టర్ లో షేర్ చేసి “ఏంటి సమంతా ఇది?” అంటూ ప్రశ్నించగా దానికి సమంత సరదాగా “గతవారం లేచిపోయాం, ఇది ఎలా లీక్ అయ్యింది. అది లవ్ ఎట్ ఫస్ట్ సైట్” అంటూ రీట్వీట్ చేసింది. అంతే.. ఇక అందరూ పగలబడి నవ్వుకోవడంతోపాటు.. ఎవడ్రా ఆ ఎడిటింగ్ చేసింది అంటూ వెతకడం మొదలెట్టారు. పాపం ఆ కుర్రాడు ఏదో సరదాగా చేసి ఉంటాడు కానీ.. సమంత ట్వీట్ పుణ్యమా అని మనోడికి ఫ్రీ పబ్లిసిటీ వచ్చేసింది.