తన మార్కుల చిట్టా విప్పిన సమంత!!

క్యూట్ నటి సమంత తన తల్లిదండ్రులతో గడుపుతోంది. జనతా గ్యారేజ్ చిత్రం షూటింగ్ లో కాస్త గ్యాప్ దొరకడంతో చెన్నైలోని తన ఇంటికి వెళ్లి రిలాక్స్ అవుతోంది. ఈ సందర్బంగా సమంత టెన్త్, ఇంటర్, డిగ్రీ మార్కుల లిస్ట్ లను ఆమె తల్లి తీసి చూపించేసరికి స్యామ్ ఆశ్చర్యపోయింది. ఈ విషయం సమంత ట్విట్టర్ లో గురువారం వెల్లడించింది. సర్టిఫికెట్ల ఫోటోలను పోస్ట్ చేసింది. ఆయా మార్కులను చూసి ఇప్పటికీ తన తల్లి గర్వపడుతోందని వివరించింది.

“మనసు పెట్టి కష్టపడితే మంచి విజయాలను సాధించవచ్చు అనేందుకు ఇవే నిదర్శనాలు” అని ట్వీట్ చేసింది. కామర్స్ లో డిగ్రీ పూర్తి చేసిన తర్వాత సినిమాల్లోకి అడుగుపెట్టిన సంగతిని గుర్తు చేసుకుంది. ఆమె ట్వీట్ లకు ప్రముఖ నటి రాధిక, నిర్మాత, నటి మంచు లక్ష్మీ తదితరులు “బ్యూటీ విత్ బ్రెయిన్” అంటూ రీ ట్వీట్ చేశారు. ఆమె టెన్త్ మార్కుల లిస్ట్ లో మార్కులను పరిశీలిస్తే లెక్కల్లో ఈ ముద్దుగుమ్మ టాప్ గా కనిపిస్తోంది. వందకు వంద మార్కులు సాధించింది.

ఇంగ్లీష్ లోను మంచి స్కోర్ చేసి టీచర్ తో “ఈ అమ్మాయి మా స్కూల్ ఆస్తి” అని అభినందనలు కూడా అందుకుంది. సినిమాల్లోకి అడుగుపెట్టిన తర్వాత కూడా తన నటనతో తెలుగు సినీ ప్రేక్షకులతో “సమంత టాలీవుడ్ ఆస్తి” అని అనిపించుకుంటోంది.

Mommy and I going through old report cards . She proud ,I surprised . This happened 😳.. 😝 pic.twitter.com/EBZMCE8VRQ

— Samantha Ruth Prabhu (@Samanthaprabhu2) July 14, 2016

Work hard nd you will succeed at anything you put your mind too.I am guessing this has been my motto for a long time pic.twitter.com/XxtdZGmd88

— Samantha Ruth Prabhu (@Samanthaprabhu2) July 14, 2016

This I remember . Right after this it was lights ,camera and action❤️❤️ pic.twitter.com/Q2PIG6iM2y

— Samantha Ruth Prabhu (@Samanthaprabhu2) July 14, 2016