Samantha: సమంత స్టార్ట్ చేసిన కొత్త బిజినెస్ ఏంటంటే..?

March 30, 2023 / 05:42 PM ISTByFilmy Focus

Join Us

Samantha: సమంత స్టార్ట్ చేసిన కొత్త బిజినెస్ ఏంటంటే..?

స్టార్ హీరోయిన్ సమంత కొద్ది కాలంగా తరచూ వార్తల్లో నిలుస్తుంది.. ఆమె పర్సనల్, ప్రొఫెషన్‌కి సంబంధించిన న్యూస్ చాలా త్వరగా వైరల్ అవుతుంటుంది.. ఎప్పుడైతే మయోసైటిస్ బారిన పడ్డానని వెల్లడించిందో అప్పటినుండి రకరకాల వార్తలు వచ్చాయి.. విశ్రాంతి తీసుకుంటూనే ‘యశోద’, ‘శాకుంతలం’ డబ్బింగ్ పూర్తి చేసి.. సినిమా అంటే తనకెంత ప్యాషన్, డెడికేషన్ అనేది తెలియజేసింది.. కాస్త గ్యాప్ తర్వాత బౌన్స్ బ్యాక్ అయింది సామ్.. బాలీవుడ్ వెబ్ సిరీస్ ‘సిటాడెల్’, విజయ్ దేవరకొండ ‘ఖుషి’, ‘శాకుంతలం’ ప్రమోషన్స్.. ఇలా ఫుల్ బిజీగా గడుపుతోంది..

మరోవైపు బిజినెస్ రంగంలోకి కూడా ఎంట్రీ ఇచ్చి తన స్టైల్లో దూసుకెళ్తోంది.. అలాగే ‘గివ్ బ్యాక్ టు సొసైటీ’ అనే పాలసీతో ప్రత్యూష ఫౌండేషన్ ద్వారా ఎంతోమందికి సాయం చేస్తున్న సంగతి తెలిసిందే.. కరోనా టైంలో టెర్రస్ గార్డెనింగ్ చేసి.. ఆర్గానిక్ ఫార్మింగ్ గురించి ఎంతోమందికి స్ఫూర్తిగా నిలిచారు.. తనకి ‘సాకి’ అనే సొంత క్లాతింగ్ బ్రాండ్ కూడా ఉంది.. ‘ఏకం’ అనే ప్రీ స్కూల్, శిల్పా రెడ్డి రన్ చేస్తున్న సస్టెన్ కార్ట్‌లో ఇన్వెస్టర్‌గా కూడా జాయిన్ అయింది..

రీసెంట్‌గా మరో వ్యాపారంలోకి అడుగుపెట్టింది సమంత (Samantha) .. నారిష్ యు అనే ఫస్ట్ సూపర్ ఫుడ్ బ్రాండ్‌లో ఇన్వెస్ట్ చేస్తుంది.. ఇదొక స్టార్టప్ కంపెనీ.. క్వినోవా, చియా సీడ్స్ వంటి ప్రొడెక్ట్స్‌ని ఇండియాలో ప్రమోట్ చేస్తున్నారు.. కేవలం ఇన్వెస్టర్‌గానే కాకుండా ఈ కంపెనీకి చెందిన మిల్లెట్ మిల్క్ లాంఛ్ చేసింది సామ్.. పాతకాలపు ఆహార పద్ధతులను పరిచయం చేయడంతో పాటు కొత్త ఉత్పత్తులను అభివృద్ధి చేస్తున్నారు..

ఇప్పటికే పలు రంగాలకు చెందిన ప్రముఖులు నారిష్ యు లో పెట్టుబడులు పెట్టి తమవంతు ప్రోత్సాహమందిస్తున్నారు.. ఇప్పుడు సమంత కూడా జాయిన్ అవడంతో మరింత వేగంగా ఈ బ్రాండ్ జనాల్లోకి వెళ్లనుంది.. ఇక సామ్ నటించిన ‘శాకుంతలం’ ఏప్రిల్ 14న పాన్ ఇండియా స్థాయిలో భారీగా విడుదల కానుంది.. గుణ శేఖర్.. మహాకవి కాళిదాసు అభిజ్ఞాన శాకుంతలం ఆధారంగా భారీ బడ్జెట్‌తో తెరకెక్కించారు..