సమంత పెళ్లి తర్వాత కూడా యధావిధిగా నటిస్తూనే ఉంటుందని, అందులో తన అభ్యంతరం ఏమీ లేదని నాగచైతన్య అందరి ముందు స్పష్టం చేశారు. వీరిద్దరూ అక్టోబర్ 6 న భార్యాభర్తలు కాబోతున్నారు. అప్పటి లోపున సైన్ చేసిన సినిమాలను పూర్తి చేయడమే కాదు.. ఆ తర్వాత చేయబోయే చిత్రాల విషయంలోనూ సమంత పక్కా ప్లాన్ తో ఉంది. భారత మహిళా క్రికెట్ కెప్టెన్ మిథాలీ రాజ్ జీవితంపై సినిమా తెరకెక్కించడానికి ప్రయత్నాలు సాగుతున్నాయి. వయాకామ్ 18 మోషన్ పిక్చర్స్ సంస్థ ఈ చిత్రాన్ని నాలుగు భాషల్లోనిర్మించబోతోంది. దక్షిణాది భాషల్లో మిథాలీ రాజ్ పాత్రను సమంత పోషించనున్నట్లు తెలిసింది.
హిందీలోనూ సమంత తో చేయించాలా? వద్దా? అనే విషయం ప్రస్తుతం చర్చ సాగుతోంది. అందులో ఒక నిర్ణయం కి రాగానే ఈ విషయాన్నీ అధికారికంగా ప్రకటించనున్నారు. క్రీడాకారులైన భాగ్ మిల్కా భాగ్, మేరీకామ్, ఎంఎస్ ధోని బయోపిక్స్ కోట్లను కొల్లగొట్టాయి. దీంతో 6వేల పరుగులు పూర్తి చేసిన ఏకైక మహిళా క్రికెటర్ గా పేరుగాంచిన మిథాలీ రాజ్ బయోపిక్ పై అంచనాలు భారీగా ఉన్నాయి.
