గతవారం రోజుల నుండీ సోషల్ మీడియాలో సమంత పేరు ఎక్కువగా ట్రెండ్ అవుతుంది. ‘బిగ్ బాస్4’ దసరా ఎపిసోడ్ ను హోస్ట్ చేసి మంచి రేటింగ్ నమోదయ్యేలా చేసింది సమంత. అటు తరువాత ‘ఆహా’ యాప్ కోసం ‘సామ్ జామ్’ అనే టాక్ షోని హోస్ట్ చెయ్యబోతున్నట్టు కూడా ప్రకటించింది. నిజానికి తెలుగు రాకుండానే..అలాగే ‘బిగ్ బాస్4’ ఒక్క ఎపిసోడ్ ను కూడా హోస్ట్ చెయ్యకుండానే ఆ స్థాయిలో సమంత హోస్ట్ చెయ్యడం అంటే మామూలు విషయం కాదు.
సమంత ఇప్పుడు ‘సామ్ జామ్’ ను పెద్ద ఛాలెంజ్ గా తీసుకున్నట్టు కూడా ఓ ఇంటర్వ్యూలో చెప్పుకొచ్చింది. ఆ షో కోసమే అనుకుంట సమంత చాలా కష్టపడుతుంది. ముఖ్యంగా ఫిట్నెస్ విషయంలో ఏమాత్రం కాంప్రమైజ్ అవ్వని సమంత.. ఇటీవల Plant-Based Diet మరియు దానికి సంబంధించిన వర్కౌట్స్ ను ప్రారంభించింది. నిపుణుడైన కృష్ణ వికాస్ పర్యవేక్షణలో సామ్ ఈ కఠిన వ్యాయామాలు చెయ్యడం మొదలుపెట్టింది. ఇందుకు సంబంధించిన వీడియో ప్రస్తుతం నెట్టింట్లో హల్ చల్ చేస్తుంది.
ఆ వీడియోకు అప్పుడే 5.84 లక్షలకు పైగా లైక్స్ రావడం విశేషం. ఈ వీడియో చూసిన ఆమె అభిమానులు ‘డెడికేషన్ కు డెఫినిషన్ మా సామ్’ ‘వావ్’ ‘సూపర్ సామ్’ అంటూ కామెంట్లు పెడుతున్నారు. ఇక సమంత నటించిన ‘ఫ్యామిలీమెన్2’ వెబ్ సిరీస్ కూడా త్వరలోనే విడుదల కాబోతుందని టాక్.
ఈ 15 సినిమాలకి మొదటి ఛాయిస్ ఈ హీరోయిన్లు కాదు.. మరెవరో తెలుసా..!
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
‘కలర్ ఫోటో’ నుండీ హృదయాన్ని హత్తుకునే 15 డైలాగులు ఇవే..!
