బాలయ్య బి.గోపాల్ కాంబినేషన్ లో తెరకెక్కి బాక్సాఫీస్ వద్ద ఇండస్ట్రీ హిట్ గా నిలిచిన సినిమాలలో సమరసింహారెడ్డి మూవీ కూడా ఒకటి. ఈ సినిమా అప్పట్లో రికార్డ్ స్థాయిలో కలెక్షన్లను సాధించి నిర్మాతలకు మంచి లాభాలను అందించింది. టాలీవుడ్ ఫ్యాక్షన్ సినిమాలలో ఈ సినిమా సంచలనం కాగా రాజమౌళి తండ్రి విజయేంద్ర ప్రసాద్ ఈ సినిమాకు కథ అందించడం జరిగింది. ఈ సినిమా అప్పట్లోనే 29 కేంద్రాలలో సిల్వర్ జూబ్లీ ఆడింది.
అయితే ఈ మధ్య కాలంలో ఎన్నో సినిమాలు రీరిలీజ్ అవుతుండగా ఆ జాబితాలో సమరసింహారెడ్డి కూడా చేరింది. మార్చి నెల 2వ తేదీన ఈ సినిమా థియేటర్లలో రీరిలీజ్ కానుంది. రీమాస్టర్ ప్రింట్ తో ఈ సినిమా రీరిలీజ్ కానుంది. అప్పట్లో ట్రెండ్ సెట్ చేసిన ఈ సినిమా ఇప్పుడు కూడా ట్రెండ్ సెట్ చేస్తుందని కామెంట్లు వినిపిస్తున్నాయి. ఈ జనరేషన్ ఫ్యాన్స్ కూడా సమరసింహారెడ్డిని ఎంతో ఇష్టంగా థియేటర్లలో చూస్తారు.
ఈ సినిమాలో బాలయ్య నట విశ్వరూపం చూపించారు. సిమ్రాన్, అంజలా ఝవేరి ఈ సినిమాలో హీరోయిన్లుగా నటించగా వాళ్ల నటన ఈ సినిమాకు ఎంతో ప్లస్ అయింది. సమరసింహారెడ్డి ఇండస్ట్రీ హిట్ గా నిలవడంతో కొన్నేళ్ల పాటు ఫ్యాక్షన్ సినిమాల హవా నడిచింది. ఆ సినిమాలు సైతం సక్సెస్ సాధించి నిర్మాతలకు మంచి లాభాలను అందించాయి. రీరిలీజ్ లో ఈ సినిమా కలెక్షన్లు ఎలా ఉండబోతున్నాయో చూడాలి.
సమరసింహారెడ్డి (Samarasimha Reddy) రీరిలీజ్ కోసం ఆసక్తిగా ఎదురుచూస్తున్నామని ఫ్యాన్స్ చెబుతున్నారు. బాలయ్య నటించిన మరికొన్ని సినిమాలను సైతం రీరిలీజ్ చేస్తే బాగుంటుందని నెటిజన్లు చెబుతున్నారు. బాలయ్య బ్లాక్ బస్టర్ సినిమాలను రీరిలీజ్ చేస్తే ఊహించని రేంజ్ లో రెస్పాన్స్ రావడం ఖాయమని ఇందుకు సంబంధించి ఎలాంటి సందేహం అవసరం లేదని నెటిజన్లు చెబుతున్నారు.
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్కట్ బాలరాజు సినిమా రివ్యూ & రేటింగ్!
