సరికొత్త సినిమాకి శ్రీకారం చుట్టిన సంపత్ నంది!

“రచ్చ” సినిమా తప్ప కెరీర్ లో పెద్ద హిట్ సినిమా తీయకపోయినా.. ఏకంగా పవన్ కళ్యాణ్ “సర్దార్ గబ్బర్ సింగ్” సినిమాకి దర్శకత్వం అందిపుచ్చుకోవడంతోపాటు విశేషమైన పాపులారిటీ సంపాదించిన లక్కీయస్ట్ డైరెక్టర్ సంపత్ నంది. పవన్ సినిమా నుంచి తర్వాత క్రియేటివ్ డిఫరెన్సెస్ వల్ల బయటకొచ్చేశాడు అది వేరే విషయం అనుకోండి. ఆ తర్వాత నిర్మాతగానూ మారి “గాలిపటం” అనే సినిమా నిర్మించి యావరేజ్ హిట్ అందుకొన్న సంపత్ నంది తాజా చిత్రం “గౌతమ్ నంద” బాక్సాఫీస్ వద్ద ఆశించిన స్థాయిలో ఆడలేదు.

అయితే.. ఈసారి తన స్వంత బ్యానర్ అయిన “సంపత్ నంది టీం వర్క్స్”లోనే స్వీయ నిర్మాణంలో ఓ చిత్రాన్ని రూపొందించేందుకు సంపత్ నంది సన్నాహాలు చేసుకొంటున్నాడు. ఆల్రెడీ ఇదే బ్యానర్ “పేపర్ బోయ్” అనే చిత్రాన్ని నిర్మిస్తున్న సంపత్ నంది ఆ సినిమాతోపాటే “సీటీమార్” అనే మరో చిత్రాన్ని తెరకెక్కీంచేందుకు సన్నద్ధమవుతున్నాడు. ఆల్రెడీ ఫిలిమ్ ఛాంబర్ లో ఈ టైటిల్ ను రిజిష్టర్ చేసిన సంపత్ నంది ప్రస్తుతం ఆ సినిమా క్యాస్టింగ్ పనిలో బిజీగా ఉన్నాడట. “డిజే” సినిమాలోని సీటీమార్ సాంగ్ బాగా పాపులర్ అవ్వడంతో సంపత్ నంది ఆ టైటిల్ ను లేట్ చేయకుండా రిజిష్టర్ చేసుకోవడం విశేషం.