గీతా గోవిందం డైరెక్టర్ పరశురామ్ డైరెక్షన్ లో మహేష్ బాబు హీరోగా మైత్రీ మూవీ మేకర్స్ బ్యానర్ పై సర్కారు వారి పాట సినిమా తెరకెక్కుతున్న సంగతి తెలిసిందే. ప్రస్తుతం హైదరబాద్ లో సర్కారు వారి పాట షూటింగ్ జరుగుతుండగా ఈ సినిమాలో విలన్ పాత్రలో సముద్రఖని నటిస్తున్నారు. సర్కారు వారి పాటలో సముద్రఖని పాత్ర ఫ్యాన్స్ తో విజిల్ వేయించేలా ఉంటుందని తెలుస్తోంది. ప్రస్తుతం మహేష్, సముద్రఖని కాంబినేషన్ సీన్ల షూటింగ్ జరుగుతోంది.
సర్కారు వారి పాటలో లోకల్ విలన్ గా సముద్రఖని కనిపిస్తారని విలక్షణమైన మేనరిజంతో ఈ పాత్ర ఉంటుందని సమాచారం. ఫస్టాఫ్ కు మహేష్ సముద్రఖని కాంబో సీన్లు హైలెట్ అవుతాయని తెలుస్తోంది. ఈ సినిమా కథ విషయానికి వస్తే బ్యాంకింగ్ రంగాన్ని కదిలించిన భారీ కుంభకోణం గురించి ఈ సినిమాలో ప్రధానంగా చూపించబోతున్నారని సమాచారం. మరోవైపు ఈ సినిమాలో మెయిన్ విలన్ ఎవరనే సంగతి తెలియాల్సి ఉంది. క్రాక్, అల వైకుంఠపురములో సినిమాలతో సముద్రఖనికి ఊహించని స్థాయిలో ఫ్యాన్ ఫాలోయింగ్ పెరిగింది.
ఈ సినిమాతో మరో సక్సెస్ సాధిస్తే సముద్రఖనికి ఆఫర్లు మరింత ఎక్కువగా పెరిగే అవకాశాలు అయితే ఉంటాయి. వచ్చే ఏడాది సంక్రాంతి కానుకగా జనవరి 13వ తేదీన సర్కారు వారి పాట రిలీజ్ కానుంది. మహేష్ కు జోడీగా ఈ సినిమాలో కీర్తి సురేష్ నటిస్తుండగా కీర్తి సురేష్ కళావతి అనే పాత్రలో ఈ సినిమాలో కనిపించనున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
