సినిమా వాళ్ల మాటలు, ట్వీట్లు, చేతలు ఒక్కోసారి నమ్మాలని అనిపించదు. ఆ మాట సీరియస్‌గా అన్నారేమో అని సీరియస్‌గా తీసుకుంటే.. ‘లే.. ఏదో సరదాకి అన్నాం’ అని చెప్పేస్తారు. ఒకవేళ ఏదో సరదాకి అనుంటారులే అని అనుకుంటే.. అది పెద్ద సీరియస్‌ విషయమైపోతూ ఉంటుంది. తాజాగా ఇలాంటి ఘటనే ఒకటి జరిగింది టాలీవుడ్‌లో. ఉగాదికి పోస్టర్ రిలీజ్ చేస్తా అన్నారు.. ఇంకా చేయలేదేంటి అంటూ ఓ హీరోయిన్ ట్వీట్‌ చేసింది..
దానికి టీమ్‌ స్పందిస్తూ.. చేయలేకపోయాం.. సారీ అని కూడా చెప్పింది. దీంతో ఇది నిజమా? కాదా? అనే చర్చ మొదలైంది. టాలీవుడ్‌లో ప్రస్తుతం సినిమా ప్ర‌మోష‌న్లు ఆ సినిమా సెట్స్ మీదికి వెళ్ల‌డానికి ముందే మొద‌ల‌వుతున్నాయి. పోస్టర్, టీజర్‌, ట్రైలర్ లాంటివి పక్కనపెట్టి కాంట్రవర్శీలను నమ్ముకుంటున్నాయి కొన్ని సినిమా వర్గాలు. తాజాగా ‘విరూపాక్ష’ టీమ్‌ కూడా ఇదే చేస్తోందా? అవుననే అనిపిస్తోంది ఆ సినిమా హీరోయిన్, సినిమా టీమ్‌ ట్వీట్లు చూస్తుంటే.
ప్ర‌మోష‌న్ల‌లో త‌న‌కు ప్ర‌యారిటీ ఇవ్వ‌లేద‌ని హీరోయిన్ సంయుక్త ట్విట్ట‌ర్‌లో ఓపెన్‌గా అసంతృప్తిని వ్య‌క్తం చేసింది. దానికి ఆ టీమ్‌ రిప్లై కూడా ఇచ్చింది. దీంతో ఏం జరుగుతోంది అనే ప్రశ్న వినిపిస్తోంది. ‘భీమ్లా నాయ‌క్’, ‘బింబిసార’, ‘సార్’ సినిమాలతో మంచి జోరు మీదున్న సంయుక్త ఇప్పుడు ‘విరూపాక్ష’ సినిమాలో నటిస్తోంది. సాయిధరమ్‌ తేజ్‌ హీరోగా నటించిన ఈ సినిమా త్వరలో విడుదలకు సిద్ధంగా ఉంది. అయితే ఉగాది నాడు ఈ సినిమా పోస్టర్ ఒకటి విడుదల చేశారు.
అయితే హీరోయిన్ పోస్టర్‌ను రిలీజ్ చేస్తామని తొలుత చెప్పారట. కానీ చేయకపోయే సరికి హర్ట్‌ అయ్యాను అంటూ సంయుక్త ఓ ట్వీట్‌ చేసింది. సాంకేతిక కార‌ణాల వ‌ల్ల పోస్టర్ రిలీజ్ చేయ‌లేద‌ని నిర్మాణ సంస్థ ఎస్‌వీసీసీ ట్విటర్‌లో పేర్కొంది. ఇదంతా చూస్తుంటే.. పోస్టర్ కోసం హీరోయిన్ ఇలా ట్విటర్‌లో పోస్ట్‌ చేస్తుందా? అనే ప్రశ్న వినిపిస్తోంది. ఇండస్ట్రీలో నిలదొక్కుకునే క్రమంలో ఉన్న ఓ నాయిక ఇలా చేయదు, ఇదంతా ప్రచార గిమ్మిక్కే అని అంటున్నారు నెటిజన్లు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్‌లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
