బెల్లంకొండ సాయి శ్రీనివాస్ (Bellamkonda Sai Sreenivas) హీరోగా ‘టైసన్ నాయుడు’ (Tyson Naidu) అనే సినిమా రూపొందుతుంది. ‘భీమ్లా నాయక్’ (Bheemla Nayak) దర్శకుడు సాగర్ చంద్ర (Saagar K. Chandra) ఈ చిత్రాన్ని తెరకెక్కిస్తున్నాడు. దీంతో పాటు మరో 2 సినిమాలను లైన్లో పెట్టాడు బెల్లంకొండ. ‘మూన్ షైన్ పిక్చర్స్’ బ్యానర్ వారు నిర్మాణంలో లుధీర్ బైరెడ్డి దర్శకుడిగా ఓ సినిమా రూపొందనుంది. రూ.50 కోట్ల భారీ బడ్జెట్ తో ఈ చిత్రం తెరకెక్కుతున్నట్టు సమాచారం. జూన్లో ఈ చిత్రం సెట్స్ పైకి వెళ్లనుంది.
సోషియో ఫాంటసీ కథాంశంతో ఈ చిత్రం రూపొందనుంది అని స్పష్టమవుతుంది. ఏడాదిగా ఈ కథపై మేకర్స్ కసరత్తులు చేస్తున్నారట. బెల్లంకొండ సాయి శ్రీనివాస్ కి మాస్ ఆడియన్స్ లో మంచి ఫాలోయింగ్ ఉంది. అతని ఫైట్స్, డ్యాన్స్ ను వారు అమితంగా ఇష్టపడతారు. సో రూ.50 కోట్లు అనేది పెద్ద రిస్కీ బడ్జెట్ ఏమీ కాదు. పైగా నాన్ థియేట్రికల్ రైట్స్ రూపంలోనే అతని సినిమాలకి ఎక్కువ బిజినెస్ జరుగుతుంది.
ఇకపోతే.. ఈ సినిమాలో బెల్లంకొండకి జోడీగా సంయుక్త మీనన్ (Samyuktha Menon) హీరోయిన్ గా ఎంపికైంది అని తెలుస్తుంది. ఆమె సాధారణంగా వెంటనే ఓ కథకి ఓకే చెప్పే రకం కాదు.ఒకవేళ కథ నచ్చితే పారితోషికం కూడా ఎక్కువగా డిమాండ్ చేయదనే మంచి అభిప్రాయం ఇండస్ట్రీలో ఉంది. ‘భీమ్లా నాయక్’ ‘సార్’ (Sir) ‘బింబిసార’ (Bimbisara) వంటి ఆమె నటించిన సినిమాలన్నీ హిట్ అయ్యాయి. ‘డెవిల్'(Devil) కూడా మంచి సినిమా అనిపించుకుంది. ఆమె ఎంట్రీతో బెల్లంకొండ – లుధీర్ బైరెడ్డి..ల ప్రాజెక్టు పై అంచనాలు పెరిగాయనే చెప్పవచ్చు.
