సౌత్ దర్శకులు బాలీవుడ్ వెళ్లి అక్కడ సినిమాలు చేయడం, అవి భారీ విజయం అందుకోవడం ఇటీవల చూస్తున్నాం. ఇటీవల కాలంలో అట్లీతో మొదలైన ఈ స్టైల్… సందీప్ రెడ్డి వంగాతో కంటిన్యూ అయ్యింది అని చెప్పాలి. రణ్బీర్ కపూర్తో ‘యానిమల్’ తీసిన సందీప్… తనకు అవకాశం వస్తే షారుఖ్ ఖాన్, రణ్వీర్ సింగ్తో సినిమా చేస్తా అన్నారు. అయితే ఏమైందో ఏమో ఇప్పుడు షారుఖ్ను ఇన్డైరెక్ట్గా ఆయననే విమర్శించారు అంటున్నారు నెటిజన్లు.
‘యానిమల్’ సినిమా విజయం తర్వాత సందీప్ వంగా వరుస ఇంటర్వ్యూలతో బిజీగా ఉన్నారు. ఆ సినిమాపై వచ్చిన విమర్శలకు తనదైన శైలిలో స్పందిస్తున్నారు. తాజాగా ఆయన మాట్లాడుతూ ‘‘కొందరికి హీరో అంటే నిజమైన అర్థం ఏమిటో తెలియడం లేదు. ఇన్స్పిరేషనల్ పాత్రలే చేయాలని అనుకుంటున్నారు. అంతేకాదు అలా చేస్తేనే హీరో అవుతారని అనుకుంటారు. నేనైతే అలా అనుకోను’’ అని అన్నారు. అయితే ఈ మాటలు షారుఖ్ను ఉద్దేశించిన అన్నవే అని నెటిజన్లు అభిప్రాయపడుతున్నారు.
ఇటీవల ఓ అవార్డుల కార్యక్రమంలో షారుఖ్ ఖాన్ మాట్లాడుతూ తాను ఆశాజనకంగా, సంతోషంగా ఉండే కథలను ఎక్కువగా ఓకే చేస్తానని, తన సినిమాల్లో హీరో పాత్ర మంచి పనులే చేస్తుందని చెప్పారు. తాను నెగెటివ్ పాత్ర పోషిస్తే దానికి హీరో చేతిలో చావు దెబ్బలు తప్పవు అని అన్న ఆయన… చెడుపై ఎప్పటికైనా మంచే విజయం సాధిస్తుంది కదా.. అని వ్యాఖ్యానించారు. ఈ మాటలకే సందీప్ అలా కౌంటర్ ఇచ్చారు అని మాట్లాడుతున్నారు నెటిజన్లు.
అయితే, మొన్నామధ్య షారుఖ్తో సినిమా చేయాలని ఉందని చెప్పిన (Sandeep Reddy Vanga) సందీప్ ఇప్పుడు ఇలా ఎందుకు కామెంట్ చేశారో అర్థం కావడం లేదు. ఇలా మాట్లాడితే తర్వాత అక్కడ నిలదొక్కుకోవడం అంత ఈజీ కాదనేది అక్కడివారి మాట. అయితే ఇలాంటి వాటికి భయపడే రకం సందీప్ కాదు అనేది ఆయన అభిమానుల మాట. మొన్నామధ్య జావెద్ అక్తర్, కంగనా రనౌత్, కిరణ్ రావ్కు ఇలా సందీప్ కౌంటర్ ఇచ్చిన విషయం తెలిసిందే.
యాత్ర 2 సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్కట్ బాలరాజు సినిమా రివ్యూ & రేటింగ్!
