డైరెక్టర్ సందీప్ రెడ్డి ప్రస్తుతం పలు సినిమాలలో బిజీగా ఉన్న సంగతి మనకు తెలిసిందే తాజాగా ఈయన రణబీర్ కపూర్ హీరోగా నటించిన యానిమల్ సినిమా ద్వారా ప్రేక్షకుల ముందుకు వచ్చారు. ఈ సినిమా తర్వాత ప్రభాస్ స్పిరిట్ సినిమా పనులలో బిజీగా ఉన్నారు. ఇలా ఈ సినిమా త్వరలోనే ప్రారంభం కానుంది. ఇకపోతే యానిమల్ సినిమా నేడు విడుదలైన సందర్భంగా ఇదివరకు సందీప్ రెడ్డి వరుస ఇంటర్వ్యూలలో పాల్గొన్నారు.
ఇక ఈ సినిమా ప్రమోషన్ కార్యక్రమాలలో భాగంగా ఈయన నేచురల్ స్టార్ నానితో కలిసి ఒక ఇంటర్వ్యూలో పాల్గొన్నారు. నాని కూడా త్వరలోనే హాయ్ నాన్న సినిమా ద్వారా ప్రేక్షకుల ముందుకు రాబోతున్న సంగతి మనకు తెలిసిందే. ఈ క్రమంలోనే సందీప్ రెడ్డి నాని ఇద్దరు కలిసి ఒక ఇంటర్వ్యూలో పాల్గొన్నారు. ఇక వీరిద్దరు కూడా ఫాదర్ సెంటిమెంట్ సినిమాల ద్వారానే ప్రేక్షకుల ముందుకు రాబోతున్నారు.
ఇలా వీరిద్దరూ కలిసి చేసిన ఒక ఇంటర్వ్యూ సందర్భంగా సందీప్ రెడ్డి మాట్లాడుతూ పలు విషయాలు తెలియజేశారు. తాను తన మొదటి సినిమా నానితోనే చేయాలి అనుకున్నాను అనే విషయాన్ని ఈ సందర్భంగా బయటపెట్టారు. అమెరికా ఫిలిం స్కూల్ నుంచి వచ్చిన తరువాత సందీప్ వంగా 2010 టైములో నాని రైడ్ సినిమా చూశారట. ఆ సినిమలో బైక్ మీద తన ప్యాషన్ తెలియజేస్తూ నాని చెప్పిన ఒక డైలాగ్ తనకు బాగా నచ్చడంతో తన వద్ద ఉన్నటువంటి ఒక లవ్ స్టోరీతో నానితో సినిమా చేయాలని అనుకున్నారట.
ఇలా ఈ స్టోరీ మొత్తం సిద్ధం చేసి ఒక నిర్మాత వద్దకు వెళ్ళగా కథ మొత్తం విన్నటువంటి ఆయన సినిమా కథ బాగుంది హీరో ఎవరిని తీసుకుందామనుకుంటున్నావు అంటూ ప్రశ్నించారట దాంతో నానితో ఈ సినిమా చేద్దాము అని చెప్పగా ఆ నిర్మాత మాత్రం మరొక ముగ్గురు పేర్లను చెప్పారు అయితే వారితో సినిమా చేయడం ఇష్టంలేకే తాను ఇప్పటివరకు ఈ సినిమా చేయలేదు అంటూ సందీప్ రెడ్డి చెప్పడంతో నాని ఒక్కసారిగా షాక్ అయ్యారు.
సందీప్ (Sandeep Reddy) మాటలు విన్నటువంటి నాని మరి ఇప్పుడే ఆ సినిమా స్టోరీ చెప్పేసేయ్ అంటూ సందీప్ రెడ్డిని అడిగారు. ప్రస్తుతం ఈ కామెంట్ సోషల్ మీడియాలో వైరల్ గా మారడంతో త్వరలోనే నాని సందీప్ రెడ్డి కాంబినేషన్లో సినిమా కూడా రాబోతుందా అంటూ సందేహాలు వ్యక్తం చేస్తున్నారు. వీరిద్దరి కాంబినేషన్లో సినిమా వస్తే బాగుంటుందని కూడా అభిమానులు అభిప్రాయం వ్యక్తం చేస్తున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
