తన బయోపిక్ లో తానే హీరోయిన్ గా!

కొందరు క్రీడాకారులు, పొలిటీషియన్స్, బిజినెస్ పీపుల్ ను చూస్తున్నప్పుడు “ఈల్లు సినిమాల్లోకి వస్తే ఆ హీరోహీరోయిన్లు కూడా వీళ్ళ ముందు పనికిరారురా” అని కామెంట్స్ వినిపిస్తుంటాయి. అయితే.. ఈ కామెంట్ ఎక్కువగా వినిపించింది మాత్రం సానియా మీర్జా విషయంలోనే. ఆమె ఆట కంటే అందానికి ఎక్కువమంది అభిమానులున్నారు. ఆమె పెళ్లి చేసుకొన్నప్పుడు ఆమెకోసం ఎంత మంది అభిమానులు ఆమె ఇంటి వద్ద నిరసన తెలిపారీ ప్రత్యేకించి చెప్పాల్సిన అవసరం లేదు. అలాంటి సానియా మీర్జా జీవితం ఆధారంగా ఓ చిత్రాన్ని తెరకెక్కించాలనుకొన్న విషయం తెలిసిందే. తెలుగు-హిందీ భాషల్లో ఈ చిత్రాన్ని ఓ బాలీవుడ్ నిర్మాణ సంస్థ నిర్మించాలని ప్లాన్ చేసింది.

తొలుత ఈ చిత్రంలో వేరే హీరోయిన్ ఎవర్నైనా తీసుకోవాలని అనుకొన్నారు. కానీ.. గ్లామర్ విషయంలో సానియా మీర్జాను బీట్ చేసే హీరోయిన్స్ ఎవరూ లేకపోవడంతోపాటు.. ఇప్పుడు ఒకమ్మాయిని తీసుకొని ఆమెకు టెన్నిస్ నేర్పించడం కంటే ఆల్రెడీ అందులో సిద్ధహస్తురాలైన సానియా చేతనే నటింపజేయడం సబబని భావించారట. అందుకు సానియా మీర్జా కూడా సుముఖత చూపడంతో ప్రస్తుతం అందుకు సంబంధించిన పనులు శరవేగంగా జరుగుతున్నాయి. త్వరలోనే ఇందుకు సంబంధించి అఫీషియల్ ఎనౌన్స్ మెంట్ రావచ్చు. మరి సినిమాలో సానియా అందంతో-ఆటతో ఏమేరకు అలరిస్తుందో చూడాలి.