ఇంటర్నెట్ లో ఎక్కడా చూసినా సర్దార్ మానియా హల్ చల్ చేస్తోంది. దాదాపు నాలుగేళ్ళ తరువాత పవర్ స్టార్ పవన్ కళ్యాణ్ కథానాయకుడిగా నటించిన సర్దార్ గబ్బర్ సింగ్.. ఏప్రిల్ 8 న విడుదల అవుతోంది. దాంతో పవన్ జాతకం ప్రకారం ఈ చిత్రం అబవ్ ఆవరేజ్ గా నిలుస్తుందని కొందరు జోతిష్యం చెబుతుంటే.. పవన్ అభిమానులు మాత్రం ఇవేవీ పట్టించుకోకుండా ఫ్లాష్ మాబ్ లతో హంగామా చేస్తున్నారు.
మరోవైపు కథానాయిక కాజల్ చెల్లులు నిషా అగర్వాల్ ‘ ఓయ్ పేరు గుర్తుందిగా.. గబ్బర్ సింగ్.. సర్దార్ గబ్బర్ సింగ్’ అంటూ తనదైన శైలిలో ఓ డబ్ స్మాష్ వీడియో చేసింది. ఇక ఇండస్ట్రీలోని హీరోహీరోయిన్లందరూ తమ సోషల్ నెట్వర్కింగ్ ఎకౌంట్స్ ద్వారా గత కొన్ని రోజులుగా “సర్దార్” నామస్మరణ చేస్తూనే ఉన్నారు.
మరి ఇంతమంది ఇన్ని విధాలుగా ఎదురుచూస్తున్న “సర్దార్ గబ్బర్ సింగ్” వారిని ఏమేరకు ఆకట్టుకుంటుందో చూడాలంటే ఇంకో రెండ్రోజులు వేచి చూడక తప్పదు!
