మహేష్ బాబు, అనిల్ రావిపూడి డైరెక్షన్లో తెరకెక్కుతోన్న ‘సరిలేరు నీకెవ్వరు’ చిత్రం 2020 సంక్రాంతి కానుకగా విడుదల కాబోతున్న సంగతి తెలిసిందే. అయితే మహేష్ బాబు లాంటి పెద్ద హీరో సినిమా కాబట్టి ప్రమోషన్లు ఓ నెల నుండీ మొదలుపెట్టినా సరిపోతుంది. కానీ పక్కన అల్లు అర్జున్, త్రివిక్రమ్ ల ‘అల వైకుంఠపురములో’ సినిమా కూడా విడుదల కాబోతుంది కాబట్టి ముందు నుండీ ప్రమోషన్లు చేయడం తప్పనిసరి. కానీ మహేష్ అండ్ టీం ఇంకా ప్రమోషన్లు మొదలుపెట్టలేదు.
ఇప్పటికే ‘అల వైకుంఠపురములో’ సినిమా చాలా వరకూ ఆడియన్స్ ‘అటెన్షన్ డ్రా’ చేసిందనే చెప్పాలి. కానీ ‘సరిలేరు నీకెవ్వరు’ టీం ప్రమోషన్స్ మొదలుపెట్టక పోగా.. నిర్మాతలలో ఒకరైన ‘ఏకె ఎంటర్టైన్మెంట్స్’ వారు ప్రమోషన్ల కోసం టాలెంటెడ్ టీం కావాలంటూ వారి సోషల్ మీడియాలో ప్రకటన ఇవ్వడంతో మరింత నెగిటివిటీ స్టార్ట్ అయ్యింది. ఈ చిత్రానికి మరో నిర్మాత దిల్ రాజు కూడా ఉన్నాడు. చెప్పాలంటే ఆయనే ఈ సినిమాకి పెద్ద బలం. ఆయన సోషల్ మీడియాలో ఓ పోస్టర్ వదిలినా బాగా వైరల్ అవుతుంది. కానీ దిల్ రాజు కూడా ఈ చిత్రాన్ని పట్టించుకోవట్లేదా అనే అనుమానాలు కూడా ఈ ప్రకటనతో మొదలయ్యాయి. అయితే గతేడాది ‘ఎఫ్2’ విషయంలో కూడా దర్శకుడు అనిల్ రావిపూడి వెంటనే ప్రమోషన్లు మొదలుపెట్టలేదు. డిసెంబర్ 12 కే టీజర్ వదిలాడు. అప్పటికేవరకూ ఒక్క పోస్టర్ ను మాత్రమే వదిలాడు. మరి ఈసారి కూడా అదే ఫార్ములా అప్లై చేస్తున్నాడా అనేది కూడా చూడాలి..!
17 ఏళ్ళ కెరీర్లో ప్రభాస్ రిజెక్ట్ చేసిన సినిమాలేంటో తెలుసా..?
వయసుకు మించిన పాత్రలు చేసి మెప్పించిన టాలీవుడ్ హీరోలు..!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!
