‘సర్కారు వారి పాట’ దర్శకుడికి.. హిట్టు కొట్టడం చాలా అవసరమట..!

మహేష్ బాబు నటిస్తున్న తాజా చిత్రం ‘సర్కారు వారి పాట’. ‘సోలో’ ‘గీత గోవిందం’ వంటి హిట్ చిత్రాలను తెరకెక్కించిన పరశురామ్(బుజ్జి) ఈ చిత్రానికి దర్శకుడు. ‘మైత్రి మూవీ మేకర్స్’ మరియు ’14 రీల్స్ ప్లస్’ ‘జి.ఎం.బి.ఎంటర్టైన్మెంట్స్’ సంస్థలు కలిసి ఈ చిత్రాన్ని నిర్మిస్తున్నాయి. ప్రస్తుతం దుబాయ్లో మొదటి షెడ్యూల్ జరుగుతుంది. ఇదిలా ఉండగా.. ఈ చిత్రంతో హిట్ కొట్టడం దర్శకుడు పరశురామ్(బుజ్జి) కి చాలా అవసరమట. ఎందుకంటే ఇప్పటి వరకూ అతను ఓ స్టార్ హీరోతో సినిమా చెయ్యడం ఇదే మొదటిసారి.

నిజానికి నాగ చైతన్యతో సినిమా చెయ్యడానికి రెడీ అయిన పరశురామ్ ను పిలిచి మరీ అవకాశమిచ్చాడు మహేష్ బాబు. అంతేకాకుండా ఈ చిత్రం కథను మొదట అల్లు అర్జున్ కు వినిపించాడట. కానీ బన్నీ.. ఈ స్క్రిప్ట్ కు నొ చెప్పాడట. ఎలాగైనా బన్నీతో ఓ సినిమా చెయ్యాలని పరశురామ్ కు చాలా కోరిక. అతనికి అత్యంత సన్నిహితుడు.. పైగా పరశురామ్ కూడా మొదటి నుండీ ‘గీత ఆర్ట్స్’ కాంపౌండ్లోనే ఉంటూ వచ్చాడు.

ఈ నేపథ్యంలో.. బన్నీ కూడా ‘ఈ స్క్రిప్ట్ ను మరో హీరోతో చెయ్యి.. తరువాత నేను ఛాన్స్ ఇస్తాను’ అని పరశురామ్ తో చెప్పాడట.కాబట్టి ‘సర్కారు వారి పాట’ సినిమా కనుక హిట్ అయితే పరశురామ్ కు అల్లు అర్జున్ పిలిచి మరీ అవకాశం ఇచ్చినా ఆశ్చర్య పడనవసరం లేదు. ఇక ‘సర్కారు వారి పాట’ చిత్రంలో కీర్తి సురేష్ హీరోయిన్ గా నటిస్తుండగా తమన్ సంగీతం అందిస్తున్నాడు.

Most Recommended Video

పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!