సూపర్ స్టార్ మహేష్ బాబు హీరోగా పరశురామ్ దర్శకత్వంలో తెరకెక్కుతున్న సర్కారు వారి పాట ఖచ్చితంగా బ్లాక్ బస్టర్ హిట్ అవుతుందని ఫ్యాన్స్ భావిస్తున్నారు. మహేష్ కీర్తి సురేష్ హీరోహీరోయిన్లుగా ఈ సినిమాలో నటిస్తుండగా ఈ సినిమాపై అంచనాలు అంతకంతకూ పెరుగుతుండటం గమనార్హం. ప్రీ లుక్ తోనే సర్కారు వారి పాటపై అంచనాలు భారీగా పెరిగాయి. ఫస్ట్ లుక్ పోస్టర్ ఈ నెల 9వ తేదీన రిలీజ్ కానుంది. అయితే మహేష్ నటిస్తున్న సర్కారు వారి పాట ఆడియో హక్కులు ఏకంగా 4.5 కోట్ల రూపాయలకు అమ్ముడయ్యాయి.
సోలో హీరో సినిమాల విషయంలో ఈ మొత్తం రికార్డ్ అని సమాచారం. మహేష్ బాబు గత చిత్రాల ఫలితాలతో పాటు మహేష్ థమన్ కాంబోలో వచ్చిన సినిమాలు మ్యూజికల్ హిట్స్ కావడంతో ఈ మొత్తం వచ్చినట్టు తెలుస్తోంది. బ్యాంక్ స్కామ్ నేపథ్యంలో ఈ సినిమా తెరకెక్కుతుండటం గమనార్హం. ఈ సినిమాలో మహేష్ బాబు లుక్ సరికొత్తగా ఉండనుందని సమాచారం. ఇప్పటికే సర్కారు వారి పాట దుబాయ్ షెడ్యూల్ పూర్తి కాగా ప్రస్తుతం హైదరాబాద్ లో ఈ సినిమా షూటింగ్ జరుగుతోంది.
వచ్చే ఏడాది సంక్రాంతి కానుకగా ఈ సినిమా రిలీజ్ కానుండగా ఈ సినిమాకు పోటీగా అయ్యపనుమ్ కోషియమ్ రీమేక్, రాధేశ్యామ్ రిలీజ్ కానున్నాయి. సంక్రాంతికే ముగ్గురు పెద్ద హీరోల సినిమాలు రిలీజైతే నిర్మాతలు కలెక్షన్ల పరంగా నష్టపోయే అవకాశం ఉంటుంది. మహేష్ బాబు సర్కారు వారి పాట సినిమా షూటింగ్ పూర్తైన తర్వాత త్రివిక్రమ్ డైరెక్షన్ లో ఒక సినిమాలో నటించనున్నారు.
Most Recommended Video
ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!
Home