మహేష్ బాబు హీరోగా ‘గీత గోవిందం’ దర్శకుడు పరశురామ్(బుజ్జి) దర్శకత్వంలో తెరకెక్కుతున్న చిత్రం ‘సర్కారు వారి పాట’. ‘మైత్రీ మూవీ మేకర్స్, ‘జీఎమ్ బి ఎంటర్టైన్మెంట్’, ’14 రీల్స్ ప్లస్’ సంస్థలు సంయుక్తంగా నిర్మిస్తున్న ఈ చిత్రంలో కీర్తి సురేష్ హీరోయిన్ గా నటిస్తుంది. తమన్ ఎస్.ఎస్. సంగీత దర్శకుడు. దుబాయ్లో మొదటి షెడ్యూల్ పూర్తయ్యింది. రెండో షెడ్యూల్ ను హైదరాబాద్ లో ఉగాది రోజున సెకండ్ షెడ్యూల్ మొదలుపెట్టాలని ప్లాన్ చేశారు కానీ కరోనా సెకండ్ ఎఫెక్ట్ వలన షూటింగ్ వాయిదా పడింది.
ఇదిలా ఉండగా.. 2022 సంక్రాంతికి విడుదల కావాల్సిన ఈ చిత్రం పోస్ట్ పోన్ కాబోతుంది అన్న ప్రచారం ప్రస్తుతం ఊపందుకుంది. వివరాల్లోకి వెళితే.. పెద్ద సినిమాల షూటింగులు జూలై నుండీ మొదలయ్యే అవకాశం ఉంది. అయితే మహేష్ బాబు మాత్రం ఆగష్టులో ‘సర్కారు వారి పాట’ ని మొదలుపెట్టాలని భావిస్తున్నాడట. బ్యాలెన్స్ షూటింగ్ చాలా ఉంటుంది కాబట్టి.. 2022 జనవరికి ఫినిష్ అయ్యే అవకాశాలు కనిపించడం లేదు. పైగా దసరాకి ‘ఆర్.ఆర్.ఆర్’, ‘రాధే శ్యామ్’ ‘పుష్ప’ వంటి సినిమాలు విడుదలవుతాయని అంతా అనుకున్నారు.
కానీ వాటి దృష్టి ఇప్పుడు 2022 సంక్రాంతి పై పడింది. లేదా జనవరి నెలలో అటు ఇటుగా ఆ సినిమాలు విడుదలయ్యే అవకాశం ఉంటుంది. ఈ ఏడాది మొత్తం థియేటర్లు 50 శాతం ఆక్యుపెన్సీతోనే నడుస్తాయని టాక్ నడుస్తుంది.కాబట్టి.. ఈ ఏడాది పెద్ద సినిమాలను విడుదల చేస్తే భారీ నష్టాలు వాటిల్లే ప్రమాదం ఉంది.అందుకే ‘సర్కారు వారి పాట’ 2022 సమ్మర్ కు గాని విడుదలయ్యే అవకాశాలు లేవని తెలుస్తోంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
