మహేష్ సినిమా రేటు ఇంకా ఫైనల్ కాలేదట..!

‘సరిలేరు నీకెవ్వరు’ చిత్రం తర్వాత మహేష్ బాబు నటిస్తున్న చిత్రం ‘సర్కారు వారి పాట’. ‘గీత గోవిందం’ ఫేమ్ పరశురామ్(బుజ్జి) డైరెక్ట్ చేస్తున్న ఈ చిత్రం జనవరి ఎండింగ్లో దుబాయ్ లో ప్రారంభమయ్యింది. ప్రస్తుతం అక్కడ యాక్షన్ సీక్వెన్స్ ను చిత్రీకరిస్తున్నారు. హీరోయిన్ గా కీర్తి సురేష్ ఫైనల్ అయిన సంగతి తెలిసిందే. తమన్ సంగీతం అందిస్తున్నాడు. ఇదిలా ఉండగా.. ఇటీవల ‘సర్కారు వారి పాట’ సినిమా డిజిటల్ మరియు శాటిలైట్ రైట్స్ బిజినెస్.. 35 కోట్లకు ఫినిష్ అయినట్టు వార్తలు వచ్చిన సంగతి తెలిసిందే.

అయితే ఆ వార్తల్లో నిజం లేదన్నది తాజా సమాచారం. ఇంకా ‘సర్కారు వారి పాట’ డిజిటల్ మరియు శాటిలైట్ హక్కులను ఎవ్వరికీ అమ్మలేదట. అయితే అంత పెద్ద మొత్తం ఆఫర్ వచ్చిన మాట వాస్తవమేనట. కానీ ముగ్గరు నిర్మాతలు.. డిస్కస్ చేసుకుని చెబుతామని.. ఆ ఆఫర్ ను హోల్డ్ లో పెట్టారట. బ్యాంకింగ్ కుంభకోణాల నేపథ్యంలో సాగే ఈ చిత్రాన్ని ‘మైత్రి మూవీ మేకర్స్’ ’14 రీల్స్ ప్లస్’ ‘జి.ఎం.బి.ఎంటర్టైన్మెంట్’ సంస్థలు కలిసి నిర్మిస్తున్నాయి.

దీనికి సంబంధించిన అప్డేట్స్ ను సంగీత దర్శకుడు తమన్ ఎప్పటికప్పుడు తన సోషల్ మీడియాలో పోస్ట్ చేస్తూనే ఉన్నాడు. అంతేకాకుండా ఆన్ లొకేషన్ ఫోటోలు కూడా సోషల్ మీడియాలో వైరల్ గా మారాయి. ఈ చిత్రం కోసం మహేష్ బాబు న్యూ లుక్ ను ట్రై చేస్తున్న సంగతి తెలిసిందే. 2022 జనవరిలో సంక్రాంతి కానుకగా ఈ చిత్రం విడుదల కాబోతుంది.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!