యంగ్ రెబల్ స్టార్ ప్రభాస్, తమిళ సీనియర్ హీరో సత్యారాజ్ కలిసి “మిర్చి”, “బాహుబలి” సినిమాలలో నటించారు. ఇవి మంచి విజయాన్ని సాధించాయి. ఆ షూటింగ్ సమయంలో ఇద్దరి మధ్య వృత్తిపరంగానే కాకుండా వ్యక్తిగతంగా మంచి రిలేషన్ ఏర్పడింది. ఎంతలా అంటే తన కొడుకు శిబిరాజ్ సినిమాకి ప్రభాస్ ని సలహా కోరే అంత. అందుకు నిదర్శనంగా నిలిచినా రెండేళ్ల క్రితం జరిగిన అరుదైన సంఘటనను ఆయన ఈరోజు మీడియాకి వెల్లడించారు. “నేనప్పుడు `బాహుబలి` సినిమా షూటింగ్‌లో ఉన్నాను. అప్పుడు నా కొడుకు శిబిరాజ్ ఫోన్ చేసి తెలుగులో వచ్చిన “క్షణం” సినిమా గురించి వివరాలు తెలుసుకోమని అడిగాడు.
అప్పుడు నేను పక్కనే ఉన్న ప్రభాస్‌ను ఆ సినిమా గురించి అడిగాను. ఆయన “క్షణం” చాలా మంచి సినిమా అని చెప్పాడు. ఆ సినిమాను తమిళంలో రీమేక్ చేయాలనుకుంటున్నాం అని చెప్పగానే.. `కచ్చితంగా విజయం సాధిస్తుంది. తప్పుకుండా రీమేక్ చేయండ`ని చెప్పాడు. ప్రభాస్ ఇచ్చిన నమ్మకంతోనే ఆ సినిమా రీమేక్ హక్కులు కొనుగోలు చేశాను? అని సత్యరాజ్ చెప్పారు. ఆ సినిమా త్వరలో తమిళంలో రిలీజ్ కాబోతోంది. ఇక ప్రభాస్ సాహో సినిమా షూటింగ్ లో బిజీగా ఉన్నారు. సుజీత్ దర్శకత్వంలో తెరకెక్కుతోన్న ఈ యాక్షన్ థ్రిల్లర్ సినిమాపై భారీ అంచనాలున్నాయి.
