ప్రభాస్ ఓం రౌత్ కాంబినేషన్ లో అత్యంత భారీ బడ్జెట్ తో తెరకెక్కిన ఆదిపురుష్ మూవీ అన్ని వర్గాల ప్రేక్షకులను మెప్పించడంలో ఫెయిలైంది. ఈ సినిమా ఈరోజు నుంచి సాధారణ టికెట్ రేట్లతో థియేటర్లలో ప్రదర్శితమవుతోంది. ఇప్పటివరకు ఈ సినిమా 450 కోట్ల రూపాయల గ్రాస్ కలెక్షన్లను సాధించగా పలు ఏరియాలలో ఇప్పటికే ఈ సినిమా బ్రేక్ ఈవెన్ అయింది. 10 రోజుల్లో 450 కోట్ల రూపాయలు అంటే ఆదిపురుష్ భారీ రేంజ్ లో కలెక్షన్లను సాధించినట్టే అని చెప్పాలి.
నెగిటివ్ టాక్ తో (Adipurush) ఆదిపురుష్ మూవీ ఈ స్థాయిలో కలెక్షన్లను సొంతం చేసుకుందంటే గ్రేట్ అని అభిప్రాయాలు వ్యక్తమవుతున్నాయి. ప్రస్తుతం 112 రూపాయలకే ఈ సినిమాను థియేటర్లలో త్రీడీలో చూడవచ్చు. మరోవైపు ఆదిపురుష్ మేకర్స్ కొన్ని డైలాగ్స్ లో మార్పులు చేయగా కొత్త వెర్షన్ ప్రస్తుతం థియేటర్లలో ప్రదర్శితమవుతోంది. అయితే కొంతమంది మాత్రం ఈ సినిమాపై సెటైర్లు వేస్తున్నారు.
టికెట్ రేట్లు ఎంత తగ్గించినా ఈ సినిమాను చూడమని కొంతమంది తగ్గిన టికెట్ రేట్ల గురించి కామెంట్లు చేస్తున్నారు. ఆదిపురుష్ సినిమా రిజల్ట్ ప్రభాస్ కెరీర్ పై కొంతమేర ప్రభావం చూపనుందని తెలుస్తోంది. ఆదిపురుష్ సినిమా నెగిటివ్ కామెంట్లపై ప్రభాస్ ఏ విధంగా రియాక్ట్ అవుతారో చూడాల్సి ఉంది. ప్రభాస్ సలార్ సినిమాతో అయినా ఫ్యాన్స్ ను పూర్తిస్థాయిలో మెప్పించాలని కామెంట్లు వ్యక్తమవుతున్నాయి.
సలార్ సినిమాలో యాక్షన్ సీన్లు నెక్స్ట్ లెవెల్ లో ఉండనున్నాయని సమాచారం అందుతోంది. ఆదిపురుష్ టీజర్ రిలీజైన సమయంలోనే ఈ సినిమా రిజల్ట్ అర్థమైందని కొంతమంది అభిప్రాయం వ్యక్తం చేస్తున్నారు. హనుమంతునికి సీటు కేటాయించడంపై కూడా కొంతమంది నెగిటివ్ కామెంట్లు చేస్తుండగా ఆ కామెంట్లు సోషల్ మీడియా వేదికపై తెగ వైరల్ అవుతున్నాయి. సలార్ మూవీ బాక్సాఫీస్ ను షేక్ చేస్తుందని కామెంట్లు వినిపిస్తున్నాయి. ఆదిపురుష్ సినిమాపై వచ్చిన నెగిటివ్ కామెంట్ల పాపమంతా ఓం రౌత్ దే అని కొంతమంది చెబుతున్నారు.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
