‘జ్యోతిలక్ష్మి’ చిత్రంతో కథానాయకుడిగా పరిచయమైన సత్యదేవ్ మళ్లీ కొంతకాలం గ్యాప్ అనంతరం హీరోగా నటించిన సినిమా ‘బ్లఫ్ మాస్టర్’. తమిళంలో ఘన విజయం సొంతం చేసుకున్న ‘సతురంగా వెట్టై’ చిత్రానికి రీమేక్ గా రూపొందుతున్న ఈ చిత్రానికి గోపీ గణేష్ దర్శకత్వం వహించాడు. నందిత శ్వేత కథానాయికగా రూపొందిన ఈ చిత్రం ట్రైలర్ ను ఇవాళ విడుదల చేశారు.
జనాల్ని మోసం చేసే ఓ ఘరానా మోసగాడి జీవితంలో చోటు చేసుకున్న సంఘటనల సమాహారంగా రూపొందిన ఈ చిత్రం ట్రైలర్ సినిమాపై విశేషమైన అంచనాలను సృష్టించింది. సినిమా చూడాలన్న ఆసక్తిని కలిగించింది. ముఖ్యంగా సత్యదేవ్ ఇంటెన్స్ యాక్టింగ్ & డైలాగ్స్ ప్రత్యేక ఆకర్షణగా నిలుస్తున్నాయి. డిసెంబర్ 28న ప్రపంచవ్యాప్తంగా విడుదలకానున్న ఈ చిత్రంతో సత్యదేవ్ కథానాయకుడిగా చెరగని ముద్ర వేస్తాడేమో చూడాలి. ఈలోపు ఈ ట్రైలర్ ను ఒకసారి చూడండి.
Home