టాలెంటెడ్ హీరో సత్యదేవ్ (Satyadev) నుండి సినిమా వచ్చి చాలా కాలం అయ్యింది. మధ్యలో ఎందుకో అతను గ్యాప్ తీసుకున్నాడు. మొత్తానికి అతను హీరోగా ‘కృష్ణమ్మ’ (Krishnamma) అనే సినిమా రూపొందింది. రా అండ్ రస్టిక్ మూవీ ఇదని ప్రమోషనల్ కంటెంట్ చెబుతుంది.స్టార్ డైరెక్టర్ కొరటాల శివ సమర్పణలో ‘అరుణాచల క్రియేషన్స్’ బ్యానర్ పై కృష్ణ కొమ్మలపాటి నిర్మిస్తున్న ఈ చిత్రాన్ని వి.వి.గోపాలకృష్ణ డైరెక్ట్ చేస్తున్నారు. ఈ సినిమాలో సత్యదేవ్‌కి జోడీగా అతీరారాజ్ నటించింది.
లక్ష్మణ్‌ (Laxman Meesala) , కృష్ణ, అర్చన (Archana Shastry), రఘుకుంచె, నందగోపాల్ వంటి నటీనటులు కీలక పాత్రలు పోషించారు.కాల భైరవ (Kaala Bhairava) ఈ చిత్రానికి సంగీతం అందించారు. ఇదిలా ఉండగా.. వాస్తవానికి ఈ సినిమా మే 3న రిలీజ్ కావాల్సి ఉంది. ఆల్రెడీ ప్రమోషన్స్ కూడా స్టార్ట్ చేశారు. ఈరోజు అంటే ఏప్రిల్ 26న ట్రైలర్ లాంచ్ వేడుకని నిర్వహించడానికి కూడా టీం రెడీ అయ్యింది. కానీ ఎందుకో సడన్ గా రిలీజ్ డేట్ మే 10 కి వాయిదా పడింది.
అసలే సినిమాలు లేక డీలా పడ్డ టాలీవుడ్ ప్రేక్షకులకి అది బ్యాడ్ న్యూస్ అయినప్పటికీ .. ఇదే టైంలో గుడ్ న్యూస్ ని కూడా షేర్ చేసింది చిత్ర బృందం. ఆ గుడ్ న్యూస్ ఏంటంటే.. ‘కృష్ణమ్మ’ చిత్రాన్ని తెలుగు రాష్ట్రాల్లో సక్సెస్‌ఫుల్ డిస్ట్రిబ్యూషన్ సంస్థలు అయిన ‘మైత్రీ మూవీ మేకర్స్’, ‘ప్రైమ్ షో ఎంటర్‌టైన్‌మెంట్స్’ .. విడుదల చేస్తున్నాయట. దీంతో ఇండస్ట్రీలో కూడా ‘కృష్ణమ్మ’ పై పాజిటివ్ వైబ్స్ ఏర్పడ్డాయి.
