ఈమధ్యకాలంలో కనీసం వారానికి మూడునాలుగు సినిమాలు రిలీజవ్వని శుక్రవారం లేదంటే అతిశయోక్తి కాదనే చెప్పాలి. ముఖ్యంగా.. సినిమాల సంఖ్య పెరిగి, థియేటర్లు తగ్గడంతో ప్రతివారం కనీసం మూడు నాలుగు సినిమాలు విడుదలవుతున్నాయి. ఈ తరుణంలో స్టార్ హీరోలకే సోలో రిలీజ్ లు దొరకడం లేదు. అలాంటిది యువ హీరోల సంగతి గురించి ప్రత్యేకించి చెప్పాలా. కానీ.. అదృష్టమో లేక నిర్మాతల ప్లానింగో తెలియదు కానీ.. నాగచైతన్యకి ఈవారం సోలో రిలీజ్ దొరికింది.
చైతూ హీరోగా చందు మొండేటి దర్శకత్వంలో తెరకెక్కిన “సవ్యసాచి” ఎప్పుడో జూలైలో విడుదలవ్వాల్సి ఉండగా.. షూటింగ్, పోస్ట్ ప్రొడక్షన్ సరిగా కంప్లీట్ అవ్వకపోవడంతో ఎట్టకేలకు నవంబర్ 2న విడుదల చేసేందుకు సమాయత్తమయ్యారు మైత్రీ మూవీ మేకర్స్ అధినేతలు. సో, వారు తీసుకొన్న ప్రత్యేక జాగ్రత్తల వల్లనో లేక నిజంగానే వేరే సినిమాలు లేవో తెలియదు కానీ.. నవంబర్ 6న విడుదలకానున్న డబ్బింగ్ సినిమా “సర్కార్” తప్ప మరో సినిమా అడ్డు లేదు. సో, సినిమాకి మిమిమమ్ యావరేజ్ టాక్ వచ్చినా.. వేరే సినిమా లేకపోవడంతో సూపర్ హిట్ కొట్టడం ఖాయం.
