సూపర్ స్టార్ మహేష్ బాబు కెరీర్ లో బిగ్గెస్ట్ బ్లాక్ బస్టర్ గా నిలిచిన చిత్రాల్లో ‘దూకుడు’ ఒకటి. ఈ సినిమాతో దర్శకుడు శ్రీనువైట్ల క్రేజ్ కూడా బాగా పెరిగింది. దీంతో మహేష్-వైట్ల కాంబినేషన్ కి డిమాండ్ బాగా పెరిగింది. అదే దూకుడు ప్రదర్శిస్తూ ఇద్దరూ కలిసి ‘ఆగడు’ అనే సినిమా తీశారు. అది కాస్త అట్టర్ ప్లాప్ అయింది. దీంతో శ్రీనువైట్ల జోరు బాగా తగ్గిపోయింది. ఆ తరువాత కూడా ఆయన తీసిన సినిమాలన్నీ ప్లాప్ లు అవుతుండడంతో వైట్లకి అవకాశాలు తగ్గిపోయాయి. ప్రస్తుతం ఆయన ‘ఢీ’ సినిమాకి సీక్వెల్ కథను సిద్ధం చేస్తున్నారు.
ఈ సినిమాతో పాటు ‘దూకుడు 2’ స్క్రిప్ట్ ను కూడా రెడీ చేసినట్లు సమాచారం. లాక్ డౌన్ సమయంలో ‘దూకుడు’కి సీక్వెల్ రాయాలనుకున్న వైట్ల కథను సిద్ధం చేసుకున్నట్లు సమాచారం. ఇప్పుడు స్క్రిప్ట్ మొత్తం సిద్ధంగా ఉందని తెలుస్తోంది. మహేష్ బాబు ఛాన్స్ ఇస్తే.. ఈ కథను వినిపించాలని శ్రీనువైట్ల భావిస్తున్నాడు. ‘దూకుడు’ సినిమాతో హిట్ ఇచ్చిన గౌరవంతో మహేష్.. శ్రీనువైట్లకు అపాయింట్మెంట్ ఇవ్వొచ్చు కానీ ఇప్పుడున్న పరిస్థితుల్లో శ్రీనువైట్లతో సినిమా చేస్తాడా..? అనేది మాత్రం సందేహమే.
ఎందుకంటే మహేష్ ప్రస్తుతం చాలా బిజీగా ఉన్నాడు. పరశురామ్ రూపొందిస్తోన్న ‘సర్కారు వారి పాట’ సినిమాలో నటిస్తున్నాడు. ఈ సినిమా తరువాత రాజమౌళి, అనీల్ రావిపూడి, త్రివిక్రమ్ లాంటి దర్శకులు లైన్ లో ఉన్నారు. అప్పటివరకు శ్రీనువైట్ల ఎదురుచూడాలి. మరో ముఖ్య విషయం ఏంటంటే.. ‘ఢీ’ సీక్వెల్ హిట్ అయితే తప్ప ‘దూకుడు’ సీక్వెల్ పై నమ్మకం కలగదు. మరి శ్రీనువైట్ల ‘ఢీ’ సీక్వెల్ తో హిట్ అందుకుంటారేమో చూడాలి!
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
Home