“నేను లోకల్” కథ నాని కి రావడం వెనుక సీక్రెట్!

దిల్‌రాజు సమర్పణలో శ్రీ వెంక‌టేశ్వ‌ర క్రియేష‌న్స్‌ బ్యానర్ పై శిరీష్ నిర్మించిన “నేను లోకల్” మూవీ నిన్న రిలీజ్ అయి హిట్ టాక్ ని సొంతం చేసుకుంది. వరుస విజయాలతో దూసుకుపోతోన్న నేచురల్ స్టార్ నాని అకౌంట్ లో మరో విజయం పడింది. త్రినాథ రావు నక్కిన దర్శకత్వంలో వచ్చిన ఈ సినిమాలో బాబు పాత్రలో నాని చక్కని నటనను ప్రదర్శించారని, ఆ  క్యారక్టర్ కి సరిగ్గా సూట్ అయ్యారని సినీ ప్రముఖుల దగ్గర నుంచి, సామాన్య ప్రేక్షకుల వరకు ప్రశంసిస్తున్నారు.

అయితే ఈ కథను త్రినాథ రావు రాజ్ తరుణ్ ని దృష్టిలో పెట్టుకుని రాశారు. వీరిద్దరి కలయికలో వచ్చిన “సినిమా చూపిస్తా మామ” చిత్ర సూపర్ హిట్ అయింది. మళ్ళీ కలిసి మూవీ చేయాలనీ భావించారు. ఈ సినిమాను నిర్మించడానికి బెక్కం వేణుగోపాల్ వద్దకు డైరక్టర్ వెళ్లారు. అయితే భాగస్వామ్యం కోసం ఆయన దిల్ రాజు దగ్గరికి వెళ్లి, కథ చెప్పమనడంతో అక్కడికి వెళ్లారు. తీరా స్టోరీ విన్న తర్వాత దిల్ రాజు  ఈ కథకి నాని అయితేనే సరిగ్గా సరిపోతాడని చెప్పారు. నానితో అయితే తాను నిర్మిస్తానని చెప్పడంతో డైరక్టర్ తన కథ హీరోగా నానిని తీసుకున్నారు. అలా నాని నేను లోకల్ హీరో అయ్యారు.

Also, do SUBSCRIBE to our YouTube channel to get latest Tollywood updates.