Seetimaarr Movie: ‘టక్ జగదీష్’ బాటలోనే ‘సీటీమార్’..!

గోపీచంద్, తమన్నా హీరో హీరోయిన్లుగా సంపత్ నంది డైరెక్షన్లో తెరకెక్కిన లేటెస్ట్ మూవీ ‘సీటీమార్’. దిగంగన సూర్య వంశీ,భూమిక చావ్లా వంటి వారు కీలక పాత్రలు పోషించిన ఈ చిత్రాన్ని ‘శ్రీనివాసా సిల్వర్ స్క్రీన్’ బ్యానర్ పై శ్రీనివాస చిట్టూరి నిర్మించాడు. నిజానికి సెకండ్ లాక్ డౌన్ కంటే ముందే ఈ చిత్రం షూటింగ్ పూర్తయ్యింది. ఏప్రిల్ లో రిలీజ్ చేయబోతున్నట్టు కూడా ప్రకటించారు. కానీ తర్వాతి వారం ‘వకీల్ సాబ్’ రిలీజ్ ఉండడంతో రిలీజ్ కాలేదు. అటు తర్వాత సెకండ్ లాక్ డౌన్ ఏర్పడింది.

ఇక తర్వాత పరిస్థితి తెలిసిందే. ఇప్పుడెలాగూ పెద్ద సినిమాలకి బిజినెస్ జరగడం కష్టం అయిపోయింది. ‘టక్ జగదీష్’ ‘మ్యాస్ట్రో’ ‘దృశ్యం2’ వంటి సినిమాలు కూడా ఓటిటి బాట పడుతున్నాయి. ఈ నేపథ్యంలో ‘సీటీమార్’ ను కూడా ఓటిటిలో విడుదల చేయడానికి సన్నాహాలు జరుగుతున్నట్టు తాజా సమాచారం. తాజాగా ఈ చిత్రానికి అమెజాన్ ప్రైమ్ నుండీ ఫ్యాన్సీ ఆఫర్ వచ్చిందట. గోపీచంద్ కు ఈ మధ్య కాలంలో సరైన హిట్టు లేకపోయినా.. సంపత్ నంది దర్శకుడు కావడం తమన్నా హీరోయిన్ కావడంతో ఈ సినిమా పై మంచి బజ్ ఏర్పడింది.

అలాగే విడుదల చేసిన టీజర్,ఫస్ట్ సింగిల్ కు కూడా మంచి స్పందన లభించింది. కరోనా వల్ల ఈ చిత్రానికి బడ్జెట్ కూడా రూ.35కోట్ల వరకు అయిపోయింది. కాబట్టి.. కాస్త అటు ఇటులో మంచి ఆఫర్ వస్తే ఓటిటిలో ఇచ్చేయాలి అన్నట్టు దర్శకనిర్మాతలు ఇప్పటివరకు వెయిట్ చేశారు. మొత్తానికి అమెజాన్ ప్రైమ్ నుండీ ఈ మూవీకి మంచి ఆఫర్ అయితే వచ్చింది. కానీ ఎంత ఆఫర్ చేశారు అనే విషయం మాత్ర చిత్ర యూనిట్ సభ్యులు చెప్పలేదు.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!