Sekhar Kammula: తన ఆస్తుల గుట్టు విప్పిన శేఖర్ కమ్ముల!

September 21, 2021 / 07:16 PM ISTByFilmy Focus

Join Us

Sekhar Kammula: తన ఆస్తుల గుట్టు విప్పిన శేఖర్ కమ్ముల!

టాలీవుడ్ స్టార్ డైరెక్టర్లలో ఒకరైన శేఖర్ కమ్ముల దర్శకత్వం వహించిన లవ్ స్టోరీ మూవీ ఈ నెల 24వ తేదీన రిలీజ్ కానుంది. ఈ సినిమా ప్రమోషన్స్ సందర్భంగా శేఖర్ కమ్ముల మీడియాతో మాట్లాడుతూ ఆసక్తికర విషయాలను వెల్లడించారు. శేఖర్ కమ్ముల తరచూ ఒక బంగ్లాకు వెళతారని కొన్ని నెలల క్రితం ప్రచారం జరిగింది. ఆ బంగ్లా విలువ ఏకంగా 70కోట్ల రూపాయలు కాగా తాజాగా శేఖర్ కమ్ముల ఆ బంగ్లా గురించి ఆసక్తికర విషయాలను వెల్లడించారు.

ప్రస్తుతం హైదరాబాద్ లోని పద్మారావు నగర్ లో శేఖర్ కమ్ముల నివాసం ఉంటున్నారు. ఇతర స్టార్ డైరెక్టర్లు బంజారాహిల్స్ లో నివాసం ఉండటానికి ఇష్టపడుతున్నప్పటికీ శేఖర్ కమ్ముల మాత్రం బంజారాహిల్స్ కు షిఫ్ట్ కావడం లేదు. శేఖర్ కమ్ముల ఇంటికి దగ్గరలోనే ఆయన ఆఫీస్ కూడా ఉందనే సంగతి తెలిసిందే. మరోవైపు శేఖర్ కమ్ములకు హైదరాబాద్ బార్డర్ లో ఫామ్ హౌజ్ ఉందని 10 ఎకరాల పొలంలో అన్ని వసతులతో కూడిన బంగ్లా ఉందని వార్తలు వచ్చాయి.

ఆ బంగ్లా తనది కాదని ఆ ఇంటి ఓనర్ తన ఫ్రెండ్ కావడం, తన ల్యాండ్ కూడా ఆ ఇంటికి సమీపంలో ఉండటంతో తరచుగా అక్కడికి వెళతానని శేఖర్ కమ్ముల చెప్పుకొచ్చారు. ప్రస్తుతం ఒక్కో సినిమాకు శేఖర్ కమ్ముల పది కోట్ల రూపాయలకు అటూఇటుగా పారితోషికం తీసుకుంటున్నారని తెలుస్తోంది. లవ్ స్టోరీ తర్వాత శేఖర్ కమ్ముల ధనుష్ హీరోగా ఒక సినిమాను తెరకెక్కించనున్నారు.