Sekhar Master: తల్లితో కలిసి శేఖర్ మాస్టర్ డ్యాన్స్ స్టెప్స్.. ప్రేమతో ఫిదా చేశారుగా!

ఈ ప్రపంచంలో బిడ్డపై తల్లి చూపించే స్థాయిలో మరెవరూ ప్రేమను చూపించలేరనే సంగతి తెలిసిందే. తల్లిని మించిన దైవం లేదని పెద్దలు సైతం చెబుతారు. శేఖర్ మాస్టర్ కుటుంబ సభ్యులు ప్రేక్షకులకు సుపరిచితులే అయినా ఆయన తల్లి గురించి అభిమానులను పెద్దగా తెలియదు. అయితే తాజాగా రిలీజైన ఢీ షో ప్రోమోకు శేఖర్ మాస్టర్ తల్లి అతిథిగా హాజరు కావడంతో పాటు శేఖర్ మాస్టర్ తో కలిసి స్టెప్పులు వేశారు.

తల్లీకొడుకుల అనుబంధాన్ని చూసిన నెటిజన్లు సైతం తెగ ఎమోషనల్ అవుతున్నారు. అదే సమయంలో యాంకర్ కోరిక మేరకు శేఖర్ మాస్టర్ తన భార్య సుజాతకు కాల్ చేసి ఐ లవ్ యూ చెప్పడం గమనార్హం. గతంలో ఒక ఇంటర్వ్యూలో శేఖర్ మాస్టర్ తన తల్లి గురించి ఆసక్తికర విషయాలను చెప్పుకొచ్చారు. నేను నా లైఫ్ లో మరిచిపోలేని వ్యక్తి అమ్మ అని శేఖర్ మాస్టర్ అన్నారు.

మా నాన్నగారు చనిపోయిన సమయంలో అమ్మ నన్ను హాస్టల్ లో వేశారని పొద్దున హాస్టల్ లో వేసి సాయంత్రం అమ్మ మాట్లాడటానికి వచ్చారని ఆయన తెలిపారు. అమ్మ వెళ్లిపోయిన అరగంట తర్వాత బాధతో ఏడ్చేసి ఇంటికి వెళ్లిపోయానని శేఖర్ మాస్టర్ కామెంట్లు చేశారు. ఏదో ఒకటి సాధించి రావాలని అమ్మ చెప్పిందని ఆయన అన్నారు. నాకు జ్వరం వస్తే అమ్మ నన్ను ఎత్తుకుని ఆస్పత్రికి తీసుకెళ్లారని (Sekhar Master) శేఖర్ మాస్టర్ తెలిపారు.

ఎనిమిదో తరగతి సమయంలో ఈ ఘటన జరిగిందని ఆయన వెల్లడించారు. మా అమ్మ నర్సుగా పని చేస్తూ చదివించారని ఆయన చెప్పుకొచ్చారు. హైదరాబాద్ కు వద్దని అమ్మ అన్నారని శేఖర్ మాస్టర్ అభిప్రాయపడ్డారు. ఫంక్షన్ హాల్స్ కు వెళ్లి తిన్న రోజులు సైతం ఉన్నాయని ఆయన అన్నారు. శేఖర్ మాస్టర్ రెమ్యునరేషన్ భారీ రేంజ్ లో ఉంది. ఒక్కో సాంగ్ కు ఆయన పారితోషికం 5 లక్షల రూపాయలు అంతకంటే ఎక్కువ మొత్తంగా ఉందని తెలుస్తోంది.

యాత్ర 2 సినిమా రివ్యూ & రేటింగ్!

ఈగల్ సినిమా రివ్యూ & రేటింగ్!
లాల్ సలామ్ సినిమా రివ్యూ & రేటింగ్!