Sekhar Master: ఆయన వల్లే ప్రభాస్ సినిమాకు శేఖర్ మాస్టర్ పని చేయలేదా?

టాలీవుడ్ ఇండస్ట్రీలోని టాప్ కొరియోగ్రాఫర్లలో శేఖర్ మాస్టర్ ఒకరనే సంగతి తెలిసిందే. తెలుగులో చాలామంది స్టార్ హీరోల సినిమాలకు శేఖర్ మాస్టర్ పని చేశారు. శేఖర్ మాస్టర్ హీరోలతో వేయించే స్టెప్పులు కొత్తగా ఉండటంతో పాటు స్టైలిష్ గా ఉంటాయి. అయితే పవన్ కళ్యాణ్, ప్రభాస్ సినిమాలకు మాత్రం శేఖర్ మాస్టర్ ఇప్పటివరకు పని చేయలేదు. ఈ ఇద్దరు స్టార్ హీరోలతో పని చేయకపోవడం గురించి శేఖర్ మాస్టర్ స్పందిస్తూ ఆసక్తికర వ్యాఖ్యలు చేశారు.

ప్రభాస్ తో, పవన్ కళ్యాణ్ తో పని చేయకపోవడానికి బలమైన కారణాలు లేవని శేఖర్ మాస్టర్ అన్నారు. ఒక సమయంలో ప్రభాస్ తో, పవన్ తో పని చేసే అవకాశం తనకు వచ్చిందని ఆయన తెలిపారు. భీమ్లా నాయక్ సాంగ్ కు పని చేసే ఛాన్స్ దక్కగా ఆ సినిమా డైరెక్టర్ సాగర్ కె చంద్రను కలిశానని ఆయన అన్నారు. సాంగ్ షూట్ సమయంలో మెయిన్ టెక్నీషియన్ కు ఫీవర్ వచ్చిందని ఆ తర్వాత నేను మరో సినిమా షూట్ తో బిజీగా ఉండటంతో భీమ్లా నాయక్ కు పని చేయలేదని శేఖర్ మాస్టర్ అన్నారు.

ప్రభాస్ కొరటాల శివ కాంబినేషన్ లో తెరకెక్కిన మిర్చి సినిమాకు ప్రభాస్ ద్వారా పని చేసే ఛాన్స్ వచ్చినట్టే వచ్చి పోయిందని శేఖర్ మాస్టర్ అన్నారు. ఆ సమయంలో నేను కొరియోగ్రాఫర్ గా ఎదుగుతున్నానని అందువల్ల కొరటాల శివ నాకు ఛాన్స్ ఇవ్వలేదని శేఖర్ మాస్టర్ అన్నారు. ఇప్పుడు కాకపోయినా రాబోయే రోజుల్లో పవన్, ప్రభాస్ లతో శేఖర్ మాస్టర్ పని చేసే ఛాన్స్ అయితే ఉందని చెప్పవచ్చు.

శేఖర్ మాస్టర్ రెమ్యునరేషన్ సైతం అంతకంతకూ పెరుగుతోందని ఒక్కో సాంగ్ కు 4 నుంచి 5 లక్షల రూపాయల రేంజ్ లో ఆయన రెమ్యునరేషన్ ఉందని సమాచారం. తెలుగులో క్రేజ్ ఉన్న కొరియోగ్రాఫర్లు తక్కువ సంఖ్యలో ఉండటంతో శేఖర్ మాస్టర్ కు ఆఫర్లు అంతకంతకూ పెరుగుతున్నాయి. శేఖర్ మాస్టర్ పలు రియాలిటీ షోలకు జడ్జిగా వ్యవహరించిన సంగతి తెలిసిందే.

బింబిసార సినిమా రివ్యూ & రేటింగ్!

Most Recommended Video

సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?