Raayan: ధనుష్‌ ‘రాయన్‌’… పుకార్లకు చెక్‌ పెట్టిన అన్న… ఏమన్నారంటే?

తమ్ముడు హీరోగా చేస్తూ డైరెక్ట్‌ చేస్తున్న సినిమాలో రైటర్‌ కమ్‌ దర్శకుడు అయిన అన్నయ్య నటిస్తుంటే… ఆయనే సినిమా రాస్తున్నట్లు అయిపోతుందా? కచ్చితంగా అవ్వదు. కానీ ఎందుకో మరి ఇప్పుడు ఇలాంటి పుకారే వస్తోంది. తాజాగా ఈ పుకార్లపై ఆ అన్నయ్య క్లారిటీ ఇచ్చేశాడు. నాకేం సంబంధం లేదు… తమ్ముడే రాసుకుంటున్నాడు అని చెప్పేశాడు. దీంతో ఆ పుకార్లపై ఫుల్‌ క్లారిటీ వచ్చినట్లు అయ్యింది. ఆ తమ్ముడు ధనుష్‌ అయితే, ఆ అన్నయ్య సెల్వ రాఘవన్‌.

పై విషయమంతా ‘రాయన్‌’ సినిమా గురించే అని మీకు ఇప్పటికే అర్థమైపోయుంటుంది. ధనుష్‌ స్వీయ దర్శకత్వంలో నటిస్తున్న చిత్రం ‘రాయన్‌’. ఇది ఆయనకు 50వ సినిమా అనే విషయం తెలిసిందే. ఇటీవల ఫస్ట్‌ లుక్‌ కూడా రిలీజ్‌ చేశారు. ఈ సినిమాను ధనుష్‌ రాసి, డైరెక్ట్‌ చేస్తున్నారు అని కూడా చెప్పారు. అయితే ఈ సినిమా స్క్రిప్టును ధనుష్‌ సోదరుడు, దర్శకుడు సెల్వ రాఘవన్‌ రాశారని కోలీవుడ్‌లో ఓ వార్త వైరల్‌ అవుతోంది. తాజాగా దీనిపై రాఘవన్‌ స్పందించారు.

‘‘రాయన్‌’ సినిమా స్క్రిప్టు విషయంలో నేను ఎలాంటి జోక్యం చేసుకోలేదు. ఇది ధనుష్‌ డ్రీమ్‌ ప్రాజెక్టు. తనే కథ రాసుకున్నాడు. ఇందులో నేను కేవలం నటిస్తున్నానంతే. మీ అందరిలానే థియేటర్లలో ఈ సినిమాను చూడటానికి ఆసక్తిగా ఎదురుచూస్తున్నాను. పనిపై నా తమ్ముడికి ఉన్న అంకితభావం చూసి గర్వంగా ఫీలవుతున్నా అని సోషల్‌ మీడియలో ఈ మేరకు రాసుకొచ్చారు. యాక్షన్‌ ప్రాధాన్యమున్న కథతో రానున్న ఈ సినిమాలో ధనుష్‌ కొత్త లుక్‌లో కనిపించనున్నాడు.

అపర్ణా బాలమురళీ, సందీప్‌ కిషన్‌, కాళిదాస్‌ జయరామ్‌ కీలక పాత్రలు పోషిస్తున్న ఈ సినిమాను తమిళ, తెలుగు, హిందీ భాషల్లో ఈ ఏడాదే విడుదల చేయనున్నారు. ఇక ధనుష్‌కు దర్శకత్వం కొత్తేం కాదు. ఇంతకుముందు ‘పా.పాండి’ అనే సినిమాను తెరకెక్కించారు. ఇప్పుడు కీలకమైన 50వ (Raayan) సినిమా మళ్లీ మెగా ఫోన్‌ పట్టారు. మరి ఈ సినిమా ఎలాంటి ఫలితాన్ని ఇస్తుందో చూడాలి.

‘యానిమల్’ ఫైనల్ గా ఎంత కలెక్ట్ చేసింది.. లాభం ఎంత?

ఈ వారం థియేటర్/ ఓటీటీల్లో స్ట్రీమింగ్ కాబోతున్న 15 సినిమాలు/ సిరీస్ .. ల లిస్ట్.!
కోపంతో ఊగిపోయిన మిడ్ రేంజ్ హీరో.. ఏం అయ్యిందంటే?