మహేష్ మహర్షి సినిమాలో నటించనున్న అలనాటి హీరోయిన్

భరత్ అనే నేను వంటి బ్లాక్ బస్టర్ హిట్ తర్వాత సూపర్ స్టార్ మహేష్ బాబు చేస్తున్న సినిమా మహర్షి. వంశీ పైడిపల్లి దర్శకత్వంలో రూపుదిద్దుకుంటున్న ఈ చిత్రంలో డీజే బ్యూటీ పూజా హెగ్డే హీరోయిన్ గా నటిస్తోంది. మహేష్ పుట్టినరోజు సందర్భంగా రిలీజ్ చేసిన టీజర్ లో కాలేజ్ స్టూడెంట్ “మహర్షి” గా కొత్త లుక్ తో మహేష్ బాబు అదరగొట్టారు. ఇందులో అల్లరి నరేష్ మహేష్(మహర్షి) కి స్నేహితుడిగా కనిపించబోతున్నారు. రవి పాత్రను పోషిస్తున్నారు. రైతుల కష్టాలపై సాగే ఈ చిత్రం గురించి ఆసక్తికర సంగతి బయటికి వచ్చింది. అలనాటి నటి జయప్రద ఇందులో నటిస్తున్నట్లు తెలిసింది. మహేష్ తల్లిగా కనిపించనున్నట్టు సమాచారం.

హీరోయిన్ గా అనేక విజయాలు అందుకున్న ఈమె మహర్షి చిత్రానికి బలం కానుందని సినీ విశ్లేషకులు చెప్పారు. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ చిత్రాన్ని మహేష్ కెరీర్ లో నిలిపోయే విధంగా వంశీ తెరకెక్కిస్తున్నారు. అటు అమెరికా.. ఇటు ఇండియాని మిక్స్ చేసి చూపించనున్నారు. దిల్ రాజు, అశ్వినీదత్, పీవీపీ సంయుక్తంగా నిర్మిస్తున్న ఈ సినిమా ఉగాది కానుకగా ఏప్రిల్ 5 న థియేటర్లోకి రానుంది.