పవర్ స్టార్ పవన్ కళ్యాణ్ (Pawan Kalyan) ఈ ఏడాది ఓజీ (OG Movie) సినిమాతో ప్రేక్షకుల ముందుకు రానున్నారు. ఈ ఏడాది సెప్టెంబర్ నెల 27వ తేదీన ఈ సినిమా థియేటర్లలో విడుదల కానుంది. ఓజీ సినిమా ఫ్యాన్స్ అంచనాలను మించి ఉంటుందని సుజీత్ (Sujeeth) సరికొత్త స్క్రీన్ ప్లేతో ఈ సినిమాను తెరకెక్కిస్తున్నారని తెలుస్తోంది. ప్రముఖ నిర్మాతలలో ఒకరైన డీవీవీ దానయ్య (D. V. V. Danayya) ఈ సినిమాకు నిర్మాత అనే సంగతి తెలిసిందే. పవన్ కేవలం 15 రోజుల డేట్స్ ఇస్తే ఈ సినిమా షూటింగ్ పూర్తి కానుందని తెలుస్తోంది.
ఏపీలో ఎన్నికల ఫలితాలు వెలువడిన తర్వాత పవన్ కళ్యాణ్ ఈ సినిమాకు డేట్స్ కేటాయించే ఛాన్స్ అయితే ఉందని సమాచారం అందుతోంది. ఈ సినిమాలో శ్రియారెడ్డి (Sriya Reddy) కీలక పాత్రలో నటిస్తున్న సంగతి తెలిసిందే. అయితే మొదట ఆ పాత్ర కోసం సీనియర్ హీరోయిన్ టబును (Tabu) సంప్రదించారట. వేర్వేరు కారణాల వల్ల టబు ఈ సినిమాకు నో చెప్పడంతో ఆమె స్థానంలో శ్రియారెడ్డిని ఎంపిక చేయడం జరిగిందని సమాచారం.
ఇతర భాషల సినిమాలతో బిజీగా ఉండటం వల్లే టబు ఈ సినిమాను మిస్ చేసుకున్నారని తెలుస్తోంది. మరోవైపు పాత్రలో ఏదైనా ప్రత్యేకత ఉంటే తప్ప శ్రియారెడ్డి సినిమాకు గ్రీన్ సిగ్నల్ ఇవ్వరు. ఓజీ సినిమాలో ఆమె ఎలాంటి రోల్ లో కనిపిస్తారో చూడాల్సి ఉంది. సుజీత్ తర్వాత మూవీ నాని (Nani) హీరోగా తెరకెక్కాల్సి ఉన్నా వేర్వేరు కారణాల వల్ల ఈ కాంబోలో సినిమా ఆలస్యమవుతోందని తెలుస్తోంది.
ఈ సినిమాకు బడ్జెట్ సమస్య వచ్చిందని ఇండస్ట్రీ వర్గాల్లో వినిపిస్తుండగా ఆ ప్రచారంలో నిజానిజాలు తెలియాల్సి ఉంది. ఓజీ సినిమా విడుదలైతే సుజీత్ కెరీర్ పరంగా వరుస ఆఫర్లతో బిజీ అయ్యే అవకాశాలు అయితే ఉంటాయని సమాచారం అందుతోంది. సుజీత్ ను అభిమానించే ఫ్యాన్స్ సంఖ్య అంతకంతకూ పెరుగుతోంది.
