‘జాతిరత్నాలు’ ఈసారి అమెరికా చెక్కేస్తారట!

ఈ ఏడాది విడుదలైన సినిమాల్లో ‘జాతిరత్నాలు’ ఎంత పెద్ద విజయం సాధించిందో తెలిసిందే. చిన్న సినిమాగా విడుదలై బాక్సాఫీస్ ను షేక్ చేసింది. నాలుగు కోట్ల బడ్జెట్ తో తెరకెక్కిన ఈ సినిమా నలభై కోట్ల వసూళ్లను రాబట్టింది. ఇప్పుడు ఈ సినిమాకి సీక్వెల్ ను రూపొందించే ఆలోచనలో ఉన్నారు దర్శకనిర్మాతలు. ముగ్గురు స్నేహితులు ఉద్యోగం కోసం హైదరాబాద్ వస్తే ఏం జరిగిందనేది ‘జాతిరత్నాలు’ కథ. అదే ముగ్గురు స్నేహితులు అమెరికా వెళ్తే ఏం జరుగుతుందనేది సీక్వెల్ పాయింట్.

నిజానికి ‘జాతిరత్నాలు’ సినిమాలో పెద్దగా కథ ఉండదు. కేవలం ఫన్ తో సినిమాను నడిపించారు. లాజిక్స్ అసలే కనిపించవు. కానీ కామెడీ వర్కవుట్ అయితే జనాలు లాజిక్స్ పట్టించుకోరు. ‘జాతిరత్నాలు’ సినిమాకి ఇదే ప్లస్ అయింది. కామెడీ కుదిరితే ఎన్ని కథలైనా రాసుకోవచ్చు. దర్శకుడు అనుదీప్ దగ్గర ఆల్రెడీ సీక్వెల్ కి సంబంధించిన పాయింట్ ఉండడంతో సినిమా చేయాలని నిర్ణయించుకున్నారు. హీరో నవీన్ పోలిశెట్టి కూడా సీక్వెల్ విషయంలో ఆసక్తి చూపిస్తున్నట్లు తెలుస్తోంది.

అయితే ముందుగా.. దర్శకుడు అనుదీప్.. నవీన్ పోలిశెట్టి ఓ సినిమా చేయబోతున్నారు. కొత్త కథతో దీన్ని రూపొందిస్తున్నారు. ఆ తరువాత ‘జాతిరత్నాలు’ సీక్వెల్ ఉంటుందని సమాచారం.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!