ఖాన్‌ త్రయం అంటూ.. చాలా ఏళ్లపాటు బాలీవుడ్‌లో గొప్పగా చెప్పుకున్నారంతా. అయితే ఏమైందో ఏమో ఖాన్స్‌ సినిమా వస్తోంది అంటే.. ఎక్కడో చిన్నగా వేడిపుడుతోంది. మెల్లగా మొదలయ్యే ఆ మంటను.. రాజేసి ఆ తర్వాత పెద్ద విప్లవంలా తీసుకొచ్చి.. ‘బ్యాన్‌… బ్యాన్‌…’ అంటూ ఓ ఉద్యమం రేపుతున్నారు. తాజాగా ఇంచుమించి ఇలాంటి పరిస్థితే ఎదుర్కొంటోంది ‘పఠాన్‌’ సినిమా. షారుక్‌ ఖాన్‌, దీపిక పడుకొణె ప్రధాన పాత్రల్లో రూపొందిన చిత్రమిది. ఈ సినిమా గురించి చాలా రోజుల నుండి వార్తలొస్తున్నా..
ఇప్పుడు బ్యాన్‌ కాన్సెప్ట్‌ బయటకు వచ్చింది. తాజాగా ‘పఠాన్‌’ సినిమా గురించి ‘బ్యాన్‌’ ఆయుధం మొదలైన నేపథ్యంలో షారుఖ్‌ మాట్లాడిన కొన్ని మాటలు ఇప్పుడు వైరల్‌గా మారాయి. ప్రేక్షకులు, అభిమానులు తమను ప్రేమిస్తున్నంత కాలం ప్రపంచం ఏమనుకుంటుంది? ఏం చేస్తుందన్న విషయాన్ని పట్టించుకోవాల్సిన అవసరం లేదు అని షారుఖ్‌ ఖాన్‌ అన్నాడు. ఈ సినిమా నుండి వచ్చిన ‘బేషరమ్‌ రంగ్…’ అనే పాట వివాదం జరుగుతున్న నేపథ్యంలో షారుఖ్‌ ఇలాంటి వ్యాఖ్యలు చేయడం గమనార్హం.
‘భేషరమ్‌ రంగ్..’ పాటలో హాట్‌ హాట్‌ అందాలతో దీపిక పడుకొణె కనిపించింది. దీంతో హీరోయిన్‌కు అలాంటి బట్టలా అంటూ.. తొలిసారి ఓ హీరోయిన్‌ ఇలా కనిపించింది అనేంతగా ఆందోళన చెందుతున్నారు కొంతమంది. దీనికి కొంతమేర రాజకీయ నేతల వ్యాఖ్యలు తోడయ్యాయి. ఈ నేపథ్యంలో కోల్‌కతా వేదికగా జరిగిన ఫిల్మ్‌ ఫెస్టివల్‌లో షారుఖ్‌ చేసిన వ్యాఖ్యలు వైరల్‌గా మారిపోయాయి. సోషల్‌ మీడియా, ప్రవర్త, నెగిటివిటీ అంటూ మాట్లాడాడు తప్ప.. ఎక్కడా అసలు విషయంలోకి వెళ్లలేదు షారుఖ్‌.
సోషల్‌ మీడియాలో కొన్నిసార్లు సంకుచిత దృష్టికోణంతో చూస్తూ ఉంటారు. నిజానికి కొంతమంది ప్రవర్తన అంతే.. అలాగే ఉంటారు. సోషల్‌ మీడియా యూసేజ్‌ వల్ల నెగిటివిటీ పెరుగుతుందని ఎక్కడో చదివాను. ఇప్పుడే అలాంటివి పనులు మనుషుల మధ్య విభేదాలు సృష్టించి, నాశనం చేస్తున్నాయి. కోల్‌కతా ఇంటర్నేషనల్‌ ఫిల్మ్‌ ఫెస్టివల్‌ లాంటివి వారి మధ్య సానుకూల దృక్పథాన్ని కల్పిస్తాయి’’ అని అన్యాపదేశంగా చెప్పాల్సిన విషయాలు చెప్పేశాడు షారుఖ్‌.
గుర్తుందా శీతాకాలం సినిమా రివ్యూ& రేటింగ్!
పంచతంత్రం సినిమా రివ్యూ & రేటింగ్!
ముఖచిత్రం సినిమా రివ్యూ & రేటింగ్!
బిగ్ బాస్ కోసం నాగార్జున ధరించిన 10 బ్రాండ్స్, కాస్ట్యూమ్స్ మరియు షూస్ కాస్ట్ ఎంతంటే!
Home