బాలీవుడ్ లో స్టార్ హీరోగా చెలామణి అవుతోన్న షారుఖ్ ఖాన్ కి ఈ మధ్యకాలంలో ఒక్క హిట్టు కూడా పడలేదు. వరుస ప్లాప్ లు ఆయన మార్కెట్ పై బాగా ఎఫెక్ట్ చూపిస్తున్నాయి. భారీ అంచనాల మధ్య విడుదలైన ‘జీరో’ సినిమా కూడా దారుణమైన వసూళ్లను తెచ్చుకొని షారుఖ్ కెరీర్ లోనే అతి పెద్ద డిజాస్టర్ గా నిలిచింది. దీంతో షాకైన షారుఖ్.. తన తదుపరి సినిమా విషయంలో మరిన్ని జాగ్రత్తలు తీసుకుంటున్నారు.
చాలా గ్యాప్ తీసుకొని సిద్ధార్థ్ ఆనంద్ దర్శకత్వంలో ‘పఠాన్’ సినిమా చేశారు. దీని మేకింగ్ కి చాలా సమయం పట్టింది. సినిమాకి కూడా బాగానే హైప్ వచ్చింది. అయితే ఈ హైప్ ను ఇంకా పెంచాలని.. దీపికా పదుకోన్, షారుఖ్ ఖాన్ ల మీద తెరకెక్కించిన ఒక హాట్ సాంగ్ కి సంబంధించిన వీడియోను రిలీజ్ చేశారు. ఈ సాంగ్ ఓ రేంజ్ లో వైరల్ అయింది కానీ అందులో దీపికా అందాల ఆరబోత మీద అభ్యంతరాలు వ్యక్తమయ్యాయి.
ఈ విషయంలో ఒక వివాదం కూడా తలెత్తింది. దీపికా కాషాయ రంగు బట్టలు వేసుకొని ఎక్స్‌పోజింగ్ చేయడాన్ని బీజేపీ, భజరంగ్ దళ్ మద్దతుదారులు తప్పుబట్టారు. కొందరు రాజకీయ నాయకులు కూడా ఈ విషయంలో ఇన్వాల్వ్ అయ్యారు. దీంతో కొన్ని వారాలుగా ఈ సినిమాను టార్గెట్ చేస్తున్నారు. సోషల్ మీడియాలో కూడా వ్యతిరేక ప్రచారం నడుస్తోంది. సెన్సార్ బోర్డు సైతం ఈ విషయంలో అభ్యంతరాలు వ్యక్తం చేసింది.
దీంతో ఈ పాటలో కొన్ని మార్పులు చేస్తున్నారు. అయినప్పటికీ.. పరిస్థితి మారలేదు. రిలీజ్ డేట్ దగ్గర పడుతుండడంతో ప్రమోషన్స్ డోసు పెంచాలని చూస్తున్న చిత్రబృందానికి అడ్డంకులు తప్పడం లేదు. నార్త్ లో చాలా నగరాల్లో మల్టీప్లెక్స్ లలో ‘పఠాన్’ సినిమాకి సంబంధించిన ఫ్లెక్సీలు, పోస్టర్స్ ఏర్పాటు చేయగా.. భజరంగ్ దళ్ ప్రతినిధులు వాటిని ధ్వంసం చేస్తున్నారు. ఈ స్థాయిలో సినిమాను టార్గెట్ చేస్తే.. ఇక రిలీజ్ సమయంలో ఇంకెంత గొడవ జరుగుతుందోనని అభిమానులు ఆందోళన వ్యక్తం చేస్తున్నారు.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
